你好 老師 我而家29歲女 每月人工$23,000
現金及定期共$400,000 股票約$380,000
之前自己訂既目標係30歲時出年5月有1百萬 但發覺距離目標有一段距離
出年又想轉工 因為現時工作冇乜野學 開始迷惘 擔心將來生活 請問老師可以指點迷津嗎
個案重點：
‧29歲
‧月入$23000
‧現金$12萬，股票$38萬
重點目標：
‧可能轉工
‧原本目標30歲擁$100萬
龔成老師分析：
我地首先分開2部份去諗︰
- 投資方面，有目標係好，但你要明白投資優質股，唔同做定期。始終好多野都要睇市場，同大環境。就算再優質架企業，係好似而家咁弱架環境，都難免股價受壓。
現時全球衰退風險、通漲問題、地緣政治和戰爭危機依然存在。
表面上，經濟好似復常，但另一邊大型企業正不斷裁員，難言經濟理想。
你要明白，現時面對係過去20-30年以來最複雜架環境，好多問題都一次過發生。所以，你預中短期一定會好波動，但我會邊穏陣投資之餘，都會同時找尋市場機會。
記住，成功架投資者，除了要掌握好價值投資技巧外，仲需要好強架心理素質，才可以令自己長線投資回報，比坊間散戶更優勝。
你現時要做，就係審視手上的股票，是否適合長線持有。如果係，咁就無問題。
同時，每月必需要有一定儲蓄，用於累積優質股和增加現金水平(用來應急和等大跌市機會)。
另外，你還年青，應該把握機會做增值，所以定期唔建議持有太多，找機會慢慢入市會，長線會更好。
- 工作方面，其實我建議你都同投資一樣，用長線角度去考量。
你始終年青，多學些技能和經驗，對你長線職業生涯，會起到正面作用。
不過，轉變同時會帶來不確定性，故轉工同時，最好留有若干現金(例如半年生活費)，以免出問題時，令自己進退失據。
你要想想，5年後、10年後過怎樣的生活？收入、財富、生活、事業各方面怎樣？你要問自己，自己做那些事情較喜歡，那些是自己的強項，為了發展事業，是否願意付出。
聲明：上述資料只是分析，只供學術性質，並不構成任何投資建議或邀約，投資者在投資前，請自行花時間了解，進行獨立分析。
龔成老師簡介
‧ 暢銷書《圖解美股小百科》、《圖解股票小百科》、《股票勝經》、《選股勝經》、《年報勝經》、《50優質潛力股》、《50穩健收息股》、《50值博倍升股》、《38全球倍升股》、《大富翁致富藍圖》、《5年買樓4部曲》、《80後百萬富翁》、《80後2百萬富翁》、《80後3百萬富翁》、《80後千萬富翁》、《千萬富翁致富學問》、《財務自由行》作者
‧ 《經濟一週》理財真人Show 節目擔任致富教練
‧ 曾接受港澳多個傳媒訪問
‧ 過往於銀行從事投資相關工作多年
‧ 曾在萬多元月薪狀態下，憑股票累積數百萬財富
‧ 現為全職投資者，擁數千萬財富
‧ 於網上分享投資心得，瀏覽量過百萬，為人氣博客，解答網友理財問題逾30,000條
‧ 《經濟一週》、《華富財經》專欄作家
‧ 擁財務學學士學位
‧ 證券業持牌人士
‧ 投資課程導師，香港及澳門學生人數逾5,000 人
‧ Facebook 專頁「Kung Shing」
若有問題發問，可在fb專頁「龔成」（www.facebook.com/80shing）inbox。