Q37031：

龔sir, 想請你評價一下PTY

龔成老師：

Pimco Corporate & Income Opportunity Fund（PTY）是一家封閉式管理投資公司。

佢通過結合當前收入和資本增值來最大化總回報，該基金將總資產的大部分投資在不同期限的公司債務，其他公司創收證券以及非公司發行人的創收證券（例如美國政府證券，市政證券和抵押貸款）中。公開或私人發行的資產支持證券和其他資產支持證券。

以過往的價格走勢來說，不太好，並出現跑輸大市的情況，整體的投資價值唔算好高。

Q37032：

𣾀豐現在可以入嗎?

請指導！謝謝你

龔成老師：

匯控（0005）最差時期已經過去，業務正好轉。

不過，銀行業的賺錢能力比過往減左，因此不能視為增長股，但當經濟好轉，始終都會有錢賺，因此都有投資價值。

相信長遠是收息股，但股價增長就未必太強。

這股都有投資價值的，但都不能持貨過多。現水平約合理區中間，作為收息及少少基本增長，這股有長線投資價值。

Q37033：

老師，Cost PE 甘高仲可以買嗎？

龔成老師：

Costco Wholesale Corporation（COST）現水平的確較高，如果這刻買，只建議小注，等跌再加，或慢慢儲貨。

雖然佢已較高，但又真的有質素，所以等佢大跌又不知幾時先大跌，所以，

Costco（好市多）是一家會員制倉儲式超市，專注於為會員提供優質且性價比高的品牌商品，其經營理念相當簡單，就是盡力降低成本，並將節省的費用回饋會員。

現時業務已遍佈全球多個市場，經營超過850個倉庫，當中包括美國、英國、加拿大、日本、韓國、中國、西班牙等，為會員提供批發購物體驗。此外，在美國、加拿大、英國、韓國、日本等地方提供電子商務服務。

集團在零售行業中，已經具有領導地位，以近年銷售金額計算，集團跟Walmart（WMT）和Amazon（AMZN）並列全球頭3位。

此股算是平穩增長型，適合大部份長線投資者，但投資者應以長線為核心，短期不會見到有收成，長期持有才有望獲得穩步向上的財富增值效果。

由於有質素，所以很多時候都不便宜，現價大致合理較上部，建議用分注或月供模式慢慢儲貨，之後長線持有就可以。

Q37034：

老師，想請教一下，久唔久聽到，中國央行開展公開市場逆回購操作，這個逆回購操作，這是什麼呢？

龔成老師：

簡單來說，逆回購就是向市場提供資金。

央行逆回購，指中國人民銀行向一級交易商購買有價證券，並約定在未來特定日期，將有價證券賣給一級交易商的交易行為，逆回購為央行向市場上投放流動性的操作，正回購則為央行從市場收回流動性的操作。

即是中國央行主動借出資金，獲取債券質押的交易就稱為逆回購交易，此時央行扮演投資者，是接受債券質押、借出資金的融出方。

Q37035：

龔Sir, 早晨，你股票班課堂，收穫滿滿！

我有兩個問題，想請教：

第一黃金對我的概念是保值，上了你的課後去了金城知道手頭上的美國金幣不是四個九，所以現在想將他們賣掉，改為四個九的金幣或紙黃金？

第二，我購買A股因為理念是投資不是投機，希望選擇是優質股，但所有航空公司股這兩年因疫情關係業績很差，以後經濟慢慢改善，旅遊的人會越來越多，所以長遠應該會好？ （如你說的週期上落）

我也買入了國內做飛機919的有關公司，知道是水桶一，但長遠應該有潛力。

謝謝你昨晚給我分了水桶123，整理手上過多的項目，重新分配自己的投資組合。👍😊

我預備下星期上課前把一半金幣賣出，是否太aggressive ?

龔成老師︰

1) 如果唔係好多，保留都可以，因為相信佢沽出架差價唔細。當然你相長線持有，換做9999同認受性較高架金幣，會較有利。

2) 其實整個航空業個情況，同好多年前已經唔同左，我自己對而個行業架發展看法一般，故不太建議長線投資相關股票。

至於造飛機架企業，我就無特別研究，比唔倒具體意見你。

Q37036：

你好龔成，我今年30歲，freelancer 做婚禮行業。過去2年自住及外食，一直無mark開數，收入唔穩定亦都唔多，所以令到依家銀行戶口淨係兩萬左右。

1. 我對於理財儲錢無乜概念，所以想請教下作為自由工作者可以點安排財富？其實係咪公司還公司數，再出糧比自己？

2. 依家盤生意係自己搞，以前公司有d名氣，所以都有錢洗。但依家名氣少左，加上價錢貴，所以無乜人搵，我每次收一單job3萬多。你會有咩建議減返價定提高知名度？

3. 另外我都有去學校教興趣班，但每次都係被動方式，有學校邀請先有job，報價太高又可能唔搵我。

4. 除左到校教班，我係出面都有教學生，不過唔多，有時得1-3個人報，可能都係知名度唔高又收得貴。我有考慮做online course,不過擔心無人買。

5. 你建唔建議搵返工做？補習個啲我都ok,但我唔想返全職，因為無時間同精力搞自己生意

6. 我想買到一層$500萬既樓，但依家咁既狀況，唔知訂幾多年目標先叫合理。

7. 我有睇你d片，明白依家個狀況未係投資階段，應該先儲錢。我見月供股票都係一個方法迫自己儲錢。零存整付亦都係另一個選擇。你會有咩建議？

以下係我支出：

$6500 供樓 （屋企人買左層樓，我同呀哥夾份供）

$3000 家用

$3000 生活費用

$2000 雜費（上網費及建立網站錢）

大概每月$15000

我依家開始mark返收入同支出，知道自己洗左啲咩錢，我有決心改善我狀況，希望你能夠比多啲意見我。期待你回覆！

龔成老師︰

其實記帳係好重要，唔係話你限住你點洗錢，而係要知自己D錢用左係邊，我自己到而一刻，都仲做緊。

1) 如果你講架係會計上安排，一般再出糧比自己，會節省更多稅項，不過最快問翻你會計方面架人員。

若係財富配置，其實至少係要做到每個月都有盈餘，講緊係扣晒所有公司和生活開支，都每月有錢剩，咁先可以定期做財富增值。

2) 其實好難一概而論，而且我唔係太熟你個行業。不過，有時價格都係反映緊你個服務架質素，不斷去減，有時都未必好事(比人覺得你質素可能唔係咁專業)。

至於知名度提升，一定唔係壞事，同時要令客人對你架服務，找到差異性，係行內係獨特的(至少感覺上)，咁會更好。

3) 學校其實好難預佢出得多錢，反而你當係賣廣告架機會仲好。

4) 試左先，做生意從來都係邊做，邊修正。

5) 如果生意你覺得長線有發展，建議你集中精力係生意度先。(除非財政已出現重大問題)

6) 要睇你本身每月剩多少，同埋投資技巧水平。

7) 如果你每月有錢剩，建議用月供優質股去增值。

策略上，你可以投資「平穏增長股」和「潛力股」。你每月5成儲蓄做月供，其餘先儲起，用一邊月供一邊儲蓄的策略。

選股上，你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。

如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。

如果你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資知識﹐潛力股比重可以相應調高，佔組合約3-5成，視乎你投資知識多寡和了解這些股票程度而定。

餘下的另一半現金，我地就等機會，當大市出現較大回調，就加大力度掃貨，然後作長線投資。

不過，你要留意一點。如果你本身個生意長線發展係好，其實個回報可以跑贏優質股，所以你手上架資金應該優先留比生意部份。

而投資優質股目的，就會由"增值"，變成"分散風險"。

令到你收入來源唔會過於依賴生意部份，使你整個財富組合變得更穏當、更平衡。

最後，緊記提升自己投資知識。因為長線投資回報，係必然同你架知識水平成正比。

我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《80後千萬富翁》和《財務自由行》，都適合初學者。

我Youtube Channel都會不時分享一些投資技巧和知識，你都可以睇下。

https://www.youtube.com/@user-rw4st4yg5v

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

Q37037：

龔Sir, 諾和諾德NVO, 禮來LLY, 那個潛力較大？較優質？謝謝

龔成老師︰

Novo Nordis（NVO）係一家從事糖尿病護理業務的全球醫療保健公司，長遠都有發展力的。企業有一定規模，但現價唔平。

該公司還從事藥品的發現、開發、製造和營銷業務。該公司通過兩個業務分部運營：糖尿病和肥胖症護理分部以及生物製藥分部。

該公司的糖尿病和肥胖症護理分部涵蓋胰島素、GLP-1、胰高血糖素等其他蛋白質相關產品、蛋白質相關的輸送系統和針頭以及口服抗糖尿病藥物。

該公司的生物製藥分部涵蓋了血友病護理、生長激素治療和激素替代療法等治療領域。該公司還提供Saxenda產品來治療肥胖症。

其提供一系列產品，包括NovoLog/NovoRapid、NovoLog Mix/NovoMix、Prandin/NOVONORM、NovoSeven、Norditropin和Vagifem。

就產品的類別分析，企業長遠有發展，但近年股價上升不少，市盈率處較高水平。最好等佢有明顯架回調，才慢慢分注入貨。

Eli Lilly & Co.(LLY)是一家製藥公司，該公司在全球從事醫藥產品的發現、開發、製造、營銷和銷售。

產品以糖尿病藥為主，還配有痴肥、罕有病類藥物。此股都有投資價值，但始終行業變化大，不宜過份進取。

現價都唔平，最好等佢有明顯架回調，才慢慢分注入貨。

優質度，2隻總括而言都係接近。但以糖尿病類計，NVO藥品達總市佔達33.8%(2023年計)，行內有一定優勢。

不過，而個都係NVO架缺點，糖尿病產品佔左佢收入7成以上，當中GLP-1佔總收入5成。而GLP-1，並唔係一種不能被對手複製的成份(LLY都已經有生產GLP-1藥物)，故有一定風險。

當然，現時GLP-1受惠於減肥需求，同時糖尿病是一種持續對藥物有需求的病症，故2者長線發展都正面。不過，過度集中個別病類(LLY會比NVO較分散，NVO好集中係糖尿和痴肥方面)，只能說"有好有壞"，你要自己平衡。

總括而言，2隻都有長線投資價值，但現價唔平，最好等佢有回調，先開始慢慢分注會較好。就算現家無貨，真係好想入左先，都只宜好小注。

Q37038：

多謝老師既無私分享，我中年又未去到退休，想趁啱價儲啲收息股，另一方面睇下有冇啲平均型既公司值得投資。

我估小米都係一個唔錯既選擇，有可見既實質業績又有研究項目，品牌形象比以前抄蘋果到依家有自己嘅研發都好大進步，加上啲產品好入屋，為個物聯網做得好好，美中不足老師都好獨到眼光，係電動車都真係有風險，如果加埋有少少息派下我一定9衝入，依家可能等回一回先入🤣🤣

廖創興等返到家鄉就應該會放

小米2021年發生咩事可以升到$3x?

龔成老師︰

儲定D收息股都可以，但如果只係中年，最好都係用平穏增長股做主力，以免令組合增長力拖得太低。

至於小米(1810)，係因為全球放水，同埋炒復常等等，令到好多資產股票都升。

當時所有中資股都熱炒，估值貴，之後中國經濟轉弱，佢的業務都弱左，再加上有些國家因政治等目的，對小米業務造成影響，令股價向下。

不過，現時佢業務已過了最差時期，不斷向好中。

Q37039：

ok thx

那美股

1）voo

2) nvidia

3) tesla

長遠增長來說, 那隻較好？

龔成老師︰

投資價值而言，3隻都有。但邊隻較好，要睇你所謂"好"架定義，到底是指什麼。

1）voo - 長線平穏增長，好處是分散風險能力強。

2) nvidia - 增長潛力強，但不確定性高。

3) tesla - 增長潛力強，但不確定性高。

Q37040：

老師～ MPF 蝕咗好多錢，想買派息基金幫補吓

揀咗呢八隻，放置少五年

你覺得邊隻唔使買呀？ 感謝你嘅意見。

龔成老師︰

強積金的配置並不複雜，首先要注意，強積金是一個超長線投資，因此不宜做中短期炒賣，不用以預測投資市場的走勢去將強積金轉來轉去，除非你很確定，現時的投資市場明顯平，或明顯貴，否則在大部分情況，強積金不用轉來轉去

其實，你只要按你的年齡階段，去進行分配就得，年輕時較進取，到了中年就以平穩作配置，到退休前5-10年基金配置就要趨向保守，為退休做準備。因此，你只要按年齡做好配置，並且因年齡漸增，慢慢將強積金轉為較保守類別就得。

另外，在股票配置的部分，你可以考慮環球股票，又或以中國+美國作為核心，因為這兩在往後10年，都是全球兩個最大的經濟體，你同時持有可以。

其實強積金，著重配置、平衡，不著重炒賣。要考慮長期配置的模式。

所以，你現時要做，就係諗翻自己架年紀和投資取態，較適合用邊類架MPF項目，之後就用佢作長線目標，往後再慢慢因應年紀變化去調整，咁就可以。