Q40381：
老師，我想問一個不關於股票的問題，是關於人生的。
我剛剛過了生日，年紀都是約30中，沒有大病，工作生活都是順利的，家人亦健在，但想住自己將來會死亡開始恐懼，本身的我對人生很樂觀的，都開始悲觀起來
好像巴菲特這樣，賺再多的錢，他都有一日要去世一樣，朋友都叫我積極樂觀去面對，但一想到將來就算再有的成就，都是帶不走。
想問下老師點睇死亡這件事？和我應該怎樣去面對？
希望老師有空能夠回答，謝謝
龔成老師：
每個人都會行這一步。
問題是，當中我地做了甚麼，令到自己這一生過得精彩！
所以，我認為人一定要有夢想，努力追求，不要到老才後悔，我多年來，不斷追求目標追求夢想，而我很享受追求夢想的過程，同時，我享受完成夢想所得到的！
第二，人來到這世界，可以有一些意義，對社會有貢獻。
每個人在社會都有不同的角色，努力做好就得，例如我，多年前已希望提高社會的理財識，現時我做到了！
我相信在我離開後，我的書、我的文，仍對世界有一點點影響，正面的影響，這就夠了！
人總會到終點站，最重要在途中，好好欣賞風景！
Q40382：
1177 1448 0027 1810 9988
龔sir ，我目前主要持有這五股，接受到波動，目標是十五年長線增值(希望做到2-3倍增值)，請問有咩建議可以比我？
龔成老師︰
1810，倍升可以。
1177，要耐心少少，仍有機會。
9988，質素及增長比過過往略減。要配合大環境及企業發展，不是短期做到，要耐心，同時都要控制注碼。
1448，增長力比過往減左，現時視為平穩增長類，當然，如果中國經濟明顯好轉，以及業務進一步發展，仍可倍升。
0027，增長力比過往減左，現時視為平穩增長類，當然，如果中國經濟明顯好轉，以及業務進一步發展，仍可倍升。
如果你用15年作為單位，相信5隻都有機會倍升，如果要有多倍，較有機會的，是1810。
不過，你要明白一點。潛力股佢長線發展潛力大，所以有機會造就唔錯架增長。
但係如果佢地發展不似預期，都會出現較大架跌幅。即係要佢架有倍升，大前提係佢地未來發展要正面。而唔係肯比時間，就一定掂。
所以，我建議你最好都部份一定平穏增長股，去令組合的升值能力更加平衡。
同時，長線都要加少少美股，去平衡地區性風險。
Q40383：
呀sir, 想請教836華潤電力：
優質度評分：12分
估值方面：有代表eps 3.8
PE=6-12
合理估值：22-45
但係考慮到佢負債表現一半，如果進行投資是投資組合的10%，可以嗎？
龔成老師︰
我建議長線PE用5-10倍，會較為穏定。
雖然佢會受惠於再生能源發展，但係當中仲有好多不確定性。加上佢係內地民生類企業，唔建議比PE太高。
另外，佢負債的確係一個扣分位。因為而類企業要做轉型，一定要大量投入資金，所以負債相信中短期都唔會明顯回落。
你預佢最多佔組合5-10%好了，此股有潛力，但同時有一定風險。
Q40384：
請問老師對於地平線機械人股票的看法？我看見市佔率是高的及有幾個大客戶，但問題還未有盈利。
可以值得長線投資？
及什麼價位比較合理？
謝謝你的意見
龔成老師︰
地平線機器人（9660）從事為乘用車提供汽車解決方案，亦提供非車解決方案，使設備製造商能夠設計及製造具有更高智能水平的設備及器具。
是乘用車高級輔助駕駛「ADAS」和高階自動駕駛「AD」解決方案供應商，擁有專有的軟硬件技術。
企業有長遠發展力的。雖然業務發展快速，但企業仍處於虧損狀態，因此，可理解這股為風險類潛力股，如果睇好，都只建議小注投資，相信佢股價上落會好大，如果風險承受能力不高，就不宜投資這股。
由於佢業務不確定性大，而且仲未有盈利，所以好難做個穏當的估值。如果你睇好，建議你分注去儲少少貨好了。
Q40385：
老師，有2個問題想請問下
1：其實如果買s&p500，佢本身已經分散左風險，其實如果懶人，係咪可以100%倉位擺哂s&p500到
2：假設買大包圍etf既1個行業，例如科技股etf，入面全部都係美國大藍籌100隻科技股，單一行業最高持倉可佔幾多%
龔成老師︰
1) 其實係可以。
因爲S&P500本身已經包含數百隻不同行業架股票，簡單持有已經達至分散風險的作用。不過，要明白，這組合比單純持有個股的回報會較低。
若果你係有一定投資能力，自行配置籃子個股架優質股組合，長線效果係應該比VOO優勝。
但對於一些不懂選股或沒有時間打理股票的投資初學者而言，VOO已經是一個很好的投資選擇。
不過，只持有單一地區的股票其實還不足夠，長遠你可以加入港股的指數型基金，例如盈富（2800），去令組合架分散效果更加理想。
2) 會過高，因為單一行業不建議超過組合的3成。當然，這個不是一個硬性指標。如果你自問好睇好科技股，又願意承受較高風險，咁你個比重大少少，都係可以(不過就絕對唔係100%，而種咁極端架比重)。
你可以重溫初班的筆記，入面有詳細講述。
Q40386：
龔成老師，你好。
我從事測量，喺公司做咗16年，上年剛剛升為授薪董事，今年可以$1.5m入股1%，但係早兩年買樓用晒啲積蓄，而家考慮貸款入股。擔心入股後唔係用月薪出糧，如果公司蝕錢，我會唔夠錢供樓加還款。請問你有冇理財嘅建議，多謝。
。而家月薪$56,000 （以人民幣出，稅後價錢）
。有一層樓市值$6m，欠銀行貸款4.5m，月供$20k。
。每個月剩$10k，用$5k月供2800& 2388當儲吓錢，只係開始咗幾個月。
謝謝
龔成老師︰
我可以理解為，你現時有2個受薪選擇︰
1) 固定月薪
2) 入股，之後就看公司業務表現發薪分紅
如果是這樣，其實無話邊一個選擇比較好。選擇1，會係較穏定和易預算。選擇2，則較有潛力和風險(再加上你要借錢入股，風險度會再加大)。
所以，成件事的考慮重心，是你對公司發展的睇法。
如果是正面，其實選擇2長線應該會較有利。不過，你都要同時考慮自身負債水平，如果再入股會否令你每月現金流變得緊張。
最後，如果你選擇2的話，緊記留多一點備用資金(支援基本生活和還債)，以免因公司表現波動，令到你生活和還款出現問題。
Q40387：
退休人仕現可買收息股作期持有嗎？還是再等下？
龔成老師︰
退休人士，投資目標應以創造被動現金流(如收股息、利息)為主，去支援沒有收入的退休生活。
收息股是其一中個合適選擇，現時大部份具質素的收息股，已經在合理區，可以"慢慢分注"儲貨。
另外，你可以考慮在被動收入組合中，加入一些債券(A級)、年金、定息產品，去令佢更多元化。同時間，保留一定現金，以備不時之需。
Q40388：
龔Sir，我之前有看你9698的分析, 最近中央公佈一些措施好似幾利好呢隻股，手上有8000股，而家比買入價升幅已經係100% （好多謝你先☺️）, 近期升勢比較急, 想請問下之後可以點步處？謝謝🙏🏾
龔成老師：
太好了！
萬國數據（9698）大方向是正面，有發展的，不過，業務本質都有一定風險，所以，你最重要是控制注碼。
如果這股的8000股，佔你股票組合的比例較多，建議減持部分，餘下持有。
如果這股佔你組合的比例少，而你又明白風險，平常心面對短期股價，就可以持有，耐心等更大收成。
由於佢近一年都升左好多，所以，你預短期有機會較為波動的。至於長線，業務發展仍是正面，佢的業務為開發及營運數據中心，根據佢公司提供的資料，佢係全中國最大的運營商網絡中立數據中心服務提供商，市場份額約2成。
現時主要通過GDS上海、GDS北京及其子公司進行該等業務。GDS北京及GDS上海各自持有經營業務所需的互聯網 數據中心牌照。
佢提供託管和管理服務，包括創新和獨特的託管雲價值主張，機房面積為266,260平方米，有一定的規模。長遠行業發展正面，也會帶動這企業。
Q40389：
請問龔Sir點睇領展？
龔成老師：
領展（0823）雖然增長力比過往年代略減，但整體仍是有質素，是收息及平穩增長型的房託。
不過，香港人的消費模式改變，都會對佢有點影響，例如網購及北上消費，不過香港人一向好貪新鮮，因此有部分人北上消費模式並不是長期性的，但當然，也有部分人會成為一個長期消費模式。
至於領展核心持有的商場物業，地點都不差的，長遠租金就算增長不及過往年代，也不會太過差。
另外，佢近年不斷收購海外，以及國內業務，以強化物業組合，領展其中一個特色，就是尋找一些有潛力的物業，收購後進行翻身，提高租金及物業估值，雖然這動作會提高風險度，但同時反映，佢不是完全無發展力的。
現價合理區底部，可分注投資，長線持有，當然，都要控制注碼。
Q40390：
龔sir,6690質素如何，現價可入嗎？
龔成老師：
海爾智家（6690）主要從事生產及銷售家用電器，並以３個自主發展的品牌（包括海爾、卡薩帝、Ｌｅａｄｅｒ）及４個收購的品牌（包括ＧＥ Ａｐｐｌｉａｎｃｅｓ、Ｃａｎｄｙ、Ｆｉｓｈｅｒ＆Ｐａｙｋｅｌ及ＡＱＵＡ）營運業務。
佢家電產品涵蓋冰箱、冷櫃、廚房電器（包括油煙機、灶具、消費櫃及烤箱）、家用空調、商用空調、淨化器、新風系統、洗衣機等。
業務不差的，但增長力不算強，現價合理區中間。