Q46111：
早晨，龔老師，有隻澳洲股票是否值得投資？Pro Medicus Ltd，ASX:PME見6個月跌左6月。業績十分好，是什麼原因跌咁多？
龔成老師：
我無研究這股，只能從初步資料簡單分析。
雖然佢公佈業績唔算差，但過往佢市盈率極高，反映市場已假設佢有極高增長，只是增長力比預期差少少，股價都會大跌。
業績中，市場對增長放緩憂慮，雖然總收入增長 28.4%，但核心美國業務的半年環比增速放緩至約 8%，引發市場對未來成長動力的質疑。
另外，在當前科技股對 AI 泡沫感到不安及高利率環境下，投資者對「昂貴」股票的容忍度極低，而佢過往市盈率過高，少少因素都可以大跌。
Q46112：
龔成老師你好，我手頭上有10萬資金，應該點用可以有穩定增長，因為湊小朋友所以冇工作收入，謝謝解答
龔成老師：
要睇你的年齡、風險承受程度、投資目標等因素。
首先，$10萬資金，你要留一些備用現金，不要全部投資。
然後，當確認了「可投金額後」，就要尋找優質股，以及制定投資策略，因為這些資金就算想市，也不會一次過現時立刻入，而是利用策略，例如分注，將買入價平均。
如果你承受風險度中等，你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）。另外再加：美股如微軟（MSFT）、英偉達（NVDA）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。
Q46113：
Sir, 想請教一下派息基金一年派大概7%利息，係咪一個唔算風險太高嘅投資方法？
如果呢刻冇乜特別股票想買，又唔想太貼市，係咪都可以？佢有冇唔好嘅地方？
龔成老師：
7%派息，如果價格是穩定的，相信這金風險度不算高。
不過，因為你提及過往價格資料，以及佢基金資產組合資料，投資策略等資料，因此，根本未能確定風險度。
因為有些基金，高風險，但派息都只有7%，不過價格可以
大升大跌。
Q46114：
老師，你買保險喺 同一間買晒？定分開唔同公司？
同埋我有一份 儲蓄危疾保，供咗5年，每年要供$6500蚊，終身保障額 $39萬港元。 老師你覺得需唔需要 cut咗佢？
要供25年
龔成老師︰
醫療保，我偏向建議同一間，claim時會易D安排。(其餘保險，你睇翻保障決定。)
儲蓄危疾保，建議保留。
因為而家好少純危疾賣，保險公司多數會bundle埋儲蓄成份，去要你一齊買。
而類保單，我會歸納為"保障型"(雖然有儲蓄成份)，建議要有。
Q46115：
老師想問下你有無文章係分享Space X現時睇法？佢宜家併購xAI公司對之前的向好睇法係加強還是會負面影響？
另外配合將來AI發展，請教有什麼美股能源股你睇好前景可以參考？
謝謝老師！
龔成老師︰
我整緊SpaceX架分析影片，但要時間。
其實我自己會成個生態去睇，唔會單係xAI、或者SpaceX。
簡單咁講，Elon Musk佢成個生態(SpaceX, xAI, X, Tesla[當中FSD,Robotaxi. Optimus])，係有好高潛力。但問題係，好多都係長遠願景，所以有好高不確定性。
至於能源，我預期係有前景。
因為AI數據中心，對電力需求好高，長線利好相關股份。
但唔少已經升到好高，同埋唔係間間都可以即時將需求，轉化成現金流(因為要建設)，所以估值時要留意。
Q46116：
老師，請問288萬洲國際、836華潤電力、3306江南布衣，呢3隻短中線如何，可以買入嗎?
龔成老師︰
我唔會估短線情況，因為有好多因素可以影響佢地股價，有些因素更加係同企業本質無關，所以好難估。
我只會用長線質素，同埋佢地平貴度，作為入市策略。
萬洲國際（0288）質素唔算差的。
有時你見肉價短期上落，都會對佢股價有短期影響，不過，我地分析時，唔好太著重中短期因素，例如短期的肉價格，以及供應等因素，都會對佢中短期有影響，但我地最緊要是分析企業的長期營運模式，發展，而這股正面的，可長線。
這企業過往的生意保持平穩，業務基本上是平穩的，只是因貿易等問題，令股價較為波動，成為這股的風險。
由於這股近年上升不少，現時投資這股，可說是平穩增長及收下息咁，不要對股價太有期望。
華潤電力（0836）有質素的，企業過往的投資開始見到回報，開始見到成績。
這企業業務有火電，以及有可再生能源，算是中國裡的傳統電力龍頭。火電部分較多；而風電、水電及光伏發電佔比一半以下。近年新能源的比例正不斷提高。
由於佢的多類發電運營模式，加上政府背景，令佢係現時受惠新能源政策，同時見到佢之前的投資，開始有基本收成，業績開始反映。
簡單來說，就是火電不太好賺，而可再生能源技術開始成熟，令供電成本持續下跌，當這企業的可再生能源比例持續增加，就帶動企業賺錢能力向上，相信這情況會持續。
企業表示仍會持續發展可再生能源部分，因此，相信這企業的賺錢能力可進一步提升。
加上企業本身有質素，例如這企業近年可利用小時數數據，不論風電、光電，或火電，都高於同業平均水平，反映企業整體的營運能力不差，企業有優勢。
這股長遠正面的，可長線持有，現價都算合理區中間位置。但股價上落都大，投資都要注意風險，控制注碼。
之前有出過影片分析，有興趣可以睇翻︰
https://www.youtube.com/watch?v=0FMmbS_Xxc8
江南布衣（3306）質素中等。
佢是一家位於中國的設計師品牌時尚集團，從事設計、推廣及銷售女士、男士、兒童及青少年時尚服裝、鞋類及配飾。品牌組合包括ＪＮＢＹ、ＣＲＯＱＵＩＳ、ｊｎｂｙ ｂｙ ＪＮＢＹ、ｌｅｓｓ及Ｐｏｍｍｅ ｄｅ ｔｅｒｒｅ，產品定位於中高層收入客戶。
過往業務不差，生意與盈利都成增長，長遠仍有發展的，但就不是高增長類。
股息不差，都可以分注投資，但就要留意股價都會波動，因此都要控制投資金額。
Q46117：
你好 想問5年100萬有無可能
剛還清40萬負責重新出發
自己能力最多打2份工搵3萬-3萬5
需要月儲多少才可以開始投資
龔成老師︰
其實你每月有錢剩，已經可以開始投資。
我假設投資回報有10%（連股息再投資），你每月投資$13000-14000，5年後大約會增值至100萬
投資策略上︰
當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。
例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。
以你現時33歲去計，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。
策略上，你可以考慮「平穏增長股」和「潛力股」。
如果你不會估值，建議先用月供去儲貨。現在你每月先用5成儲蓄做月供。其餘先儲起，用一邊月供一邊儲蓄的策略。
選股上，你可以留意一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以自己了解下，再決定是否從中選股。
如果想增長力高少少，可留意潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）。另外再加：美股如微軟（MSFT）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以自己了解下，再決定是否從中選股。同埋，佢地波動性和風險會較高，要自己平衡。
如果你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。
若你有一定投資知識﹐潛力股比重可以相應調高，佔組合約3-5成，視乎你投資知識多寡和了解這些股票程度而定。
餘下的另一半現金，我地就等機會，當大市出現較大回調，就加大力度掃貨，然後作長線投資。
以下是有關"平穏增長股"和"潛力股"教學分享的影片，你可以參考下︰
https://www.youtube.com/watch?v=YJdE6xyUXS0
https://www.youtube.com/watch?v=u0ADUWkikhU
不過，你要明白上述月供方法雖然能幫助初學者在知識不多情況下，進行有限度的財富增值。但如果你想財富增值能力進一步提升，就必需加強投資知識，提升選股分析和估值能力。令你可以做到因應市況平貴，自行制定入市策略。
因此，我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。
我Youtube Channel都會不時分享一些投資技巧和知識，你都可以睇下。
(當中不少影片，係用來幫讀者提升投資和財務知識，所以無時間性，幾年後再睇依然有用。如果你係想提升自己投資知識，建議你抽時間，睇翻舊影片去為自己增值。)
https://www.youtube.com/@%E9%BE%94%E6%88%90%E8%80%81%E5%B8%AB%E8%87%B4%E5%AF%8C%E5%B9%B3%E5%8F%B0
Q46118：
明白, 呢筆錢係媽咪遺產,有種要替佢好小心翼翼保存感覺, 好象分段入3110感覺好好多, 佢波幅細D,感覺好好多
而KO and TSM
我就當自制mpf 甘去做, 即好象你甘講個金額係相對小
例如每個1k per month
甘不用甘擔心了
2388就月供比較多D
請問3190同3110是否有不同？
看來係30隻定50隻分别
我見佢市盈率只是9倍
謝謝您
龔成老師︰
明白，你唔想浪費左家人留下來的心血。
但我地做投資時，都要客觀少少。以你年紀，一般會建議做平穏增值。
但考慮到你半退休狀態，有一定生活上現金流的需要，所以配置較多收息股(如3110)，係可以。
至於2388, KO, TSM你可以月供。
但我建議你可以考慮加埋2800，咁會成個組合平衡D。
至於富邦滬深港高股息（3190）基金之目標為追蹤恒生滬深港（特選企業）高股息率指數（價格回報）之表現。佢是投資中國及香港的高息股。
分布上，以金融類為主，佔4成以上。其次是能源類，佔逾2成。
持股包括中海油(0883)、中行(3988)、香港電訊(6823)等，都係有長線投資價值的收息股。
此股可以作為收息組合一員，現價合理，可分注。
簡單咁講，3190長線風險會比3110高少少，但都可以作為收息股一員。
Q46119：
想問2026年股票班時間表表
龔成老師︰
以下是最新課程資料，已經接受報名：
★3月美股班
★4月澳門港股班
★6月港股班
★2027年進階班
【美股班】
日期：2026年3月12, 19, 26日，4月9, 16, 23, 30日，5月7日(逢星期四)。時間：1900-2200
了解及報名：https://www.80shing.com/register.php?id=6
【4月澳門港股班】
日期：2026年4月18, 25日，5月2, 9, 16, 30日，6月6, 13日(逢星期六)。時間：1400-1700
地點：澳門南灣區
詳情及報名：https://www.80shing.com/register.php?id=2
【港股班】
日期：2026年6月4日, 11, 18, 25日，7月2, 9, 16, 23日(逢星期四)。時間：1900-2200
了解及報名：https://www.80shing.com/register.php?id=1
【進階班】
日期：2027年4月9, 16, 23, 30日
及5月7, 14, 21, 28日
及6月4, 11日（逢星期五）時間：1900-2200
了解及報名：https://www.80shing.com/register.php?id=3
Q46120：
想問下匯豐是否還有上升空間？
龔成老師：
短期未必會升好多，始終近年上升不少，已反映利好因素，之後就要有更多業務實質增長去支持，長遠你預佢收息及基本增長。匯控（0005）有質素，業務有持續好轉情況，是收息及平穩增長類股。
整體來說，匯豐長遠仍是有質素有發展的企業，不過，銀行業的賺錢能力比過往年代減左，因此不能視為高增長股，但當經濟不差時，始終都會有錢賺，因此都有投資價值。
相信長遠是收息股，及有基本增長力，但並不是高增長類。
這股都有投資價值的，但都不能持貨過多。現水平約合理區中上，這股有長線投資價值。