Q47931：
明白，謝謝
老師你係咪減持咗？見你好似不太建議呢隻股。我反而諗緊係咪機會可以低價買入
因為呢隻係你好多年前介紹嘅c公司
以前錯過咗而家想買返
龔成老師︰
我無減持，但都無加注，始終高風險，這股只宜小注。我反而近年加注美股人工智能股。
其實你年青(2X歲)，買佢都可以。不過要明白，佢係高風險架潛力股，會有好高不確定性，故不能大注。
同埋，你預佢中短期股價會好波動，因為暫時睇唔到有乜野明顯消息，會令幣市或者Coinbase投資價值突然大升。
反而，戰爭、通漲、加息等會壓抑幣市。(始終佢走勢，都仲係同BTC有關連。)
不過，現時幣市長線計，算係一個偏低少少架水平。故你現價分注"慢慢儲"(不建議月供)，係可以，但緊記控制注碼就OK。
Coinbase Global Inc（COIN）雖然有獨特性，但真正的長期價值有多少，根本好難估。
Coinbase已經比上市時，成熟左好多。但現階段依然好受幣市影響，所以你預佢中短期會好波動。若持貨不多，又預長線持有，咁就無問題。
此股依然有長線投資價值，其實佢股價較高位有明顯回調，但長線潛力依然係有。佢現時不停開闊緊自己架業務，由幾年前只係做買賣交易，收下買賣交易費。到現時已有託管、集資、鏈上抵押借貸(BASE公鏈)等能力。(當然，暫時仲係手續費收入為主。)
長線佢發展，有機會慢慢變成類似港交所(0388)模式，即係一個全功能架集資交易平台。甚至長線有機會蠶食部份傳統經濟架金融業務。
當然，這個只係"預測"，唔係一定做到，但佢現時相信是向這方向發展，故具有潛力，值得持續觀察佢發展。
投資此股係可以，但要明白佢係高風險類別，只宜小注。若你本身投資經驗/風險承受力好一般，此股就未必適合你。
Q47932：
爸爸退休了
有300萬現金
想買不同的銀行股收息
龔老師有那些有質數的股票你建議嘛？
龔成老師︰
你爸爸可以考慮將這300萬現金，分成5部分。
第一部分投資收息股，你可以建立一個收息股組合，例如港燈（2638）、深高速（0548）、香港電訊（6823）、工行（1398）、置富（0778）、陽光（0435）、高息基金（3110）都可以，大多有5%股息
另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、偉易達（0303）等（記住，股價略波動，不能太過大注）。
[穏陣收息股] https://www.youtube.com/watch?v=5xmiZGYNptI
[高息股] https://www.youtube.com/watch?v=y9uzb_jNUWU
（另外，你可以參考《50穩健收息股》）
你平衡的投資這些股，除了可以得到穩健的收息收，同時可有效的分散風險。
第二，投資債券，你可以選擇A評級的債券，年期較長都可以，但利息卻不高。你可以到銀行問問。
第三，投資年金，你可以睇睇，這是適合你們的產品，零風險，可以有穩定回報。
第四，你亦可投資銀行低風險類的產品，你可自行到銀行了解下，總之是「低風險，持續現金流」的。
第五，持有現金，除了可做定期外，現金亦可以為你的後盾，以備不時之需。同時，若投資市場大跌，你可以在這時買到更多的收息股，股息率會進一步上升。
你爸爸可以考慮將300萬現金，因應佢自己取態，去平衡地分配在上述的項目上，對你爸爸來說是最好平衡風險，同時有穩定的現金流。
以下有關退休配置的教學影片，你/你爸爸都可以參考下︰
https://www.youtube.com/watch?v=U9NNezbDob8
Q47933：
1810要唔要減一部分
龔成老師︰
無需要，除非你小米(1810)架持貨好多，否則唔洗減。
你要明白一個概念，我地持有一隻股票與否，關鍵位是企業質素、前景，不要被買入價影響。
因為買入價已經係一個沉沒成本，你唔可當佢係一個神聖價位，因為已經無參考價值。未來持有與否，係應該睇翻企業本身。
如果企業質素轉差，就要賣出。如果企業某些核心優勢減少左，就有機會減持，因此，我地要分析企業的核心因素，一些長期的賺錢能力，有無改變。
你可以睇下以下影片，會對你有幫助︰
https://www.youtube.com/watch?v=5yu9jrvfGX4
Q47934：
老師， 現階段是否適合買一些edf分散投資? 我考慮緊買3145定3190，可以分析兩隻股票哪一隻較好嗎?謝謝。
另外，想更改月供股票金額為$5000，盈富、港交所、長建及建行，仍然值得月供嗎? 定係應該cut哪一隻? 金額分配又應該如何?謝謝
龔成老師：
我地最重要幫自己建立一個長期，優質，平衡，適合自己的組合，而不用太著重短期市況。
組合加入ETF，可以。
至於3145定3190，其實兩隻都是不差的ETF，都可考慮。其實同時持有都得。
如果要2選1，可考慮：華夏亞洲高息股ETF（3145）的投資目標為追踪彭博亞太高股息４０淨回報指數之表現，是一個追蹤亞太區（日本除外）市場中股息收益率最高、且符合特定篩選條件的40家大型和中型公司股票表現的股票指數。
指數成分：由亞太區（日本除外）市場中40隻高股息股票組成。主要投資於亞洲（包括香港、台灣、韓國、印度、東南亞等，日本除外）的高收益股票。
成份股有：大聯大控股 (WPG) (台灣)、華碩電腦 (ASUS) (台灣)、印尼人民銀行 (Bank Rakyat Indonesia) (印尼)、PTT Exploration & Production (泰國)、文曄科技 (WT Microelectronics) (台灣)、港股有：中遠海能（1138）、中國宏橋（1378）、兗礦能源（1171），康師傅控股（0322）。
因此，都可以視為一個高息股的組合，可考慮用慢慢分注模式進行，相信都有長線投資，收息的價值，但都要控制翻總投資金額。
至於盈富、港交所、長建及建行，質素無問題，仍然值得月供的。但如果你組合太過集中在港股，你可以考慮加入（VOO）去月供，當然，如果你年齡較大，退休，就未必適合（VOO）。
Q47935：
龔sir,請問點睇最近港股日日跌….我都唔知斬唔斬倉好
龔成老師：
因為中國經濟數據有部分轉弱，所以你預短期股市可能一般，但其實你最重要睇企業質素與發展，如果企業生意發展無問題，你就不用擔心，但如果企業質素不好，業務下跌，就應該止蝕。
Q47936：
981 上望可見$85?
龔成老師：
中芯國際（0981）業務有增長力，算是有風險有潛力類。但政治因素成為風險，因此投資時要留意這點。短期股價無得預測，但中長期可以上到。
分析過往的業務情況，雖然仍每年的生意都有增長，但盈利就有波動，反映雖然大環境的市場在增長中，但佢的成本與售價，就未必在佢掌握的範圍，最後造成盈利波動的結果。
由於美國及其盟國對中國高科技限制，預期會持績，因此中國企業將會更依賴中國的科技企業，只要這些企業如中芯不太差，同時技術有進步，都會為其帶來一定的生意。
中芯國際長遠業務仍有增長力，算是有風險有潛力類，企業在中國行業裡有技術，同時產品始終市場，因此仍有前景的。
但投資者要留意，政治因素成為風險，因此投資時要留意這點。這股不建議大注，現價約在合理區中上，如果投資者睇好，要分注，同時以長線眼光去投資這股。
Q47937：
龔Sir你好，近來港股不停下跌，眼見手上重貨小米，中生製藥， 阿里巴巴等都跌到早年低位。 這些股我已持貨好幾年，很後悔上年高位沒有放部份。😪
相反，一路觀察美股想等時機買入，但就不停上升，未買到。 看見資產越來越縮水，心裏確實不是味兒。
你認為現在是港股的吸納
機會嗎？ 但個別AI股又已經升了很多。還是應該轉投美股，但美股現價也很貴。
龔成老師：
第一，課堂教每隻股不宜多過15%，如果部分股佔比太多，要減。
第二，課堂教「港股+美股」，因為平衡配置好重要。
如果你港股多，美股少，當然要慢慢轉過去，但不是這刻大手轉，可以考慮分長少時間，例如2、3年，分段去轉，但要開始轉。
港股現時在合理區中下，有投資值博率，但如果你過多港股，就不要加，要美股，例如用幾年時間，慢慢買入（VOO）。
至於1211、1810，只要貨不過多，無問題，但要耐心。
1177，長遠仍有發展，但風險度增加，因此要控制比例。
9988，競爭大左，雖然仍有質素，仍要控制比例。
其實企業長遠不是無發展，但受短期市況影響，耐心才會好轉。其實買股票面對這類情況，是經常出現，根本好正常。
最後，你不要睇太多股價，集中時間睇企業。
Q47938：
老師，我想問呢 如果我依家先開始想月供voo 的話
例如我搵50000 儲35000
我應該直接放哂35000 做dca 定係會放30000 ，有5000 放係銀行到一跌先再跌多d?
因為依家依個位我又驚供緊係高位咁
但其實又唔知佢會係去到幾高
龔成老師︰
我會建議你，每月儲蓄一半做月供，一半儲下來，等明顯回調機會。
VOO係一個適合長線月供架ETF，但唔好集中晒佢，記得都要加港股(例如2800)，去平衡地區性風險。
至於驚現價太貴，其實長線月供可以將成本拉平均，所以只要你係長線咁做，月供至少3年和持有5年，問題不大。
如果你自問已經掌握一定估值能力，你可以供少D先，之後再按平貴變化去調整。
但如果無信心，咁長線用同一金額去月供，會最穏陣。
Q47939：
老師，我是68歲退休人士
請問以下作收息投資組合可以嗎？
823、941、728、3110、3416、3466、3190、3145。
請問有邊一隻風險高需要減除？
或者可以加入那一隻比較好？
謝謝老師🙏🙏
龔成老師：
首先，退休者只能承受較低風險，所以宜投資收息類工具。
另外，你最好有不同類的工具，上述的收息股，可以，另外，要有部分做定期，持有現金，以及買其他低風險產品，例如高評級債券、年金、保本類的基金等。
收息股部分，你可以以3110，3190，3466、3145這些收息ETF作核心，再加其他收息股，如941、823、728。
3416風險較高，不建議太多，以下解釋下隻3416：
ＧＸ國指備兌（3416），之投資目標為透過投資於恒生中國企業指數的成份股本證券，及沽出相關指數的認購期權以收取認購期權買方支付的款項（期權金），以產生收入。
這ETF並不是傳統型的ETF，因此情況會較特別，優點是高息，往往有10%以上的利息，因為利用期權去產生現金流，但缺點是背後都有一定風險。
簡單來說，在一般的市況，這ETF可以派不差的股息，但這類ETF，有3個風險：
1）如果股市持續向下，ETF價格都會大跌，有機會出現賺息蝕價的情況。
2）當股市大升，這ETF的升幅有機會落後大市，只能賺到利息收入，而錯失了增值時期。
3）操作風險。因為基金無完全講當中的運作，我只能透過基金網站簡單講述的操作，去估當中的運作，如果基金操作不當，會否有資產價格大跌的風險，這點我都不清楚。
我並不是說不能投資這ETF，而是要明白上述的風險，同時在注碼上不宜過多。
Q47940：
本人持有3466 ，現在股價下跌了不少，應該如何部署好呢？
龔成老師：
只要貨不是過多，持有就得，這ETF可長線收息的，始終恆指跌左5000點，好多港股跌，這ETF都會有少少影響，但長線收息作用不變。恒生高息股30指數ETF（3466）是一隻指數追蹤基金，其旨在盡實際可能取得（未計費用和開支前）接近恒生高息股30指數的價格回報表現。
此基金其一個特色，是香港上市股票通常會每季或每半年派息一次，而恒生高息股30指數ETF旨在每月派息。
不過，大家要記住，選擇收息股最重要係質素，唔係一年派幾多次息。如果你係要每月收息，其實將全年股息集埋，自己再分配成12份就可以。
至於此ETF，行業有工業、地產、能源、金融、公用、必需性消費等。
當中最大持股，包括建滔積層板(1888)、中國宏橋(1378)、兗礦能源（1171）、裕元集團（0551）、中遠海控（1919）、中國石油股份（0857）、恒隆地產（0101）等。這些股票都有質素，適合長線收息。