龔成老師你好, 其實我想學理財 但唔知點入手

以下交代少少背景︰

我月入HKD46k，男友HKD56k左右

支出方面, 大額一次性：我地近年買左樓（HKD800萬+），連裝修，都差唔多用曬大家畢業以黎既積蓄

每月恆常（必要開支）：

1）供樓方面，每月大概花費HKD30K（8成按揭、供30年計）

2）家用方面，我地加埋兩邊家庭大概HKD16K

3）其餘為管理費，日常返工車費、餐飲、少量（我地兩個都好慳冇咩睇戲食貴嘢）等

儲蓄策略方面, 依家我地每人每月都放一定收入去做按揭银行既deposit-linked account收息, 就冇其他多餘理財

而每月放咁多原因係有2個:

1）我地兩個都唔識/唔敢投資，以前都係做定期only，放高息戶口好似係目前最方便既做法

2）可以作為遲下結婚後生活基金/草到一筆大既就比落層樓到，快啲供完，慳返啲息，到時有能力的話又可以供多層出租（目標）/年紀大有家庭減少經濟壓力都好

然後睇得多你啲post ，發現有多人年紀大過我地/月入少過我地都好努力去令資產增值

我就反思緊我地咁樣係咪太保守/資產增值速度緩慢, 保守既投資我呢排就見到好多保險廣告，話每月供4K 每年派10-20K左右既回報，

我地究竟用多餘錢做呢啲當投資好，定做咩好呢

我自己本人又唔想為層樓好似逼自己咩都好慳，我都好想去下旅行，做下facial，做下瑜伽，學下日文等生活上多啲娛樂 休閒既支出

究竟我地係咪要有啲轉變 平衡返呢，畢竟其實我自己覺得我地有空間去做投資（雖然男朋友唔同意，佢成日話我地冇咩錢，咩都要好慳，但耐左有啲辛苦，女仔想花費既嘢其實可以有好多🙈）

感謝你睇既長文到呢度！

如果唔理男朋友，獨立財政分開計，每月自己得4k

個案重點：

‧月入HKD46k，男友HKD56k左右

‧近年買左樓（HKD800萬+），用盡儲蓄

‧供樓每月3萬

‧每月放一定收入到按揭戶口

‧唔識/唔敢投資

重點目標：

‧資金做甚麼投資

‧遲些結婚

‧理財是否保守，是否要進取少少

龔成老師分析：

其實，若你們不懂投資，或者風險取態極保守，放在高息戶口都係一個適合做法。

不過，這類戶口增值能力較弱，你們很年青，風險承受力會較高。我一般會建議進取少少，如果係希望做一個合理增值，建議你們先從月供優質股著手，去累積財富。

進行財富增值，省錢去令自己每月有更多空閒資金是第一步。當然，你都可以抽少量資金，去做自己想做架事，但你要自己平衡將來和現在。

至於只係省錢儲現金，我就唔建議。因為現金長線係會貶值，若你唔進行投資，其實等同購買力一直多降低，會令自己愈來愈不利。

而"保險"主要係用來防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。

但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。

相信你仍年輕，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。

策略上，你可以投資「平穏增長股」和「潛力股」。你每月5成儲蓄做月供。其餘先儲起，用一邊月供一邊儲蓄的策略。

選股上，你可以投資在平穩增值股，例如指數基金。由於你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

到你有一定投資知識﹐潛力股比重可以相應調高，佔組合約3-5成，視乎你當時投資知識多寡和了解這些股票程度而定。

餘下的另一半現金，我地就等機會，當大市出現較大回調，就加大力度掃貨，然後作長線投資。

但你要明白，月供方法雖然能幫助初學者在知識不多情況下，進行有限度的財富增值。但如果你想財富增值能力進一步提升，就必需再加強投資知識，提升選股分析和估值能力。令你可以做到因應市況平貴，自行制定入市策略。

因此，我建議你要多讀投資相關書本、年報，新聞和報讀相關課程。書本上，你可以睇我寫架《80後千萬富翁》、《財務自由行》和《股票勝經》，都適合初學者。

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

龔成老師簡介

‧ 暢銷書《圖解美股小百科》、《圖解股票小百科》、《股票勝經》、《選股勝經》、《年報勝經》、《50優質潛力股》、《50穩健收息股》、《50值博倍升股》、《38全球倍升股》、《大富翁致富藍圖》、《5年買樓4部曲》、《80後百萬富翁》、《80後2百萬富翁》、《80後3百萬富翁》、《80後千萬富翁》、《千萬富翁致富學問》、《財務自由行》作者

‧ 《經濟一週》理財真人Show 節目擔任致富教練

‧ 曾接受港澳多個傳媒訪問

‧ 過往於銀行從事投資相關工作多年

‧ 曾在萬多元月薪狀態下，憑股票累積數百萬財富

‧ 現為全職投資者，擁數千萬財富

‧ 於網上分享投資心得，瀏覽量過百萬，為人氣博客，解答網友理財問題逾30,000條

‧ 《經濟一週》、《華富財經》專欄作家

‧ 擁財務學學士學位

‧ 證券業持牌人士

‧ 投資課程導師，香港及澳門學生人數逾5,000 人

‧ Facebook 專頁「龔成」粉絲人數超過300,000人

若然你有問題想向龔成老師發問，可在龔成的fb專頁中（www.facebook.com/80shing）inbox龔成。