Q47801：
老師，最近中國經濟有負面消息嗎？
龔成老師：
經濟數據的確較弱，5月社會消費品零售總額按年下跌 0.6%（不如市場早前預期的持平或微跌），這是自 2022 年 12 月底中國經濟全面解封以來，首次出現負增長。
雖然「五一黃金週」帶動了餐飲及旅遊等服務性消費，但實體「商品零售」卻非常疲弱，加上官方前期推出的「以舊換新」汽車及家電補貼效應減弱，汽車消費低迷成為最大拖累。
另外，固定資產投資創 6年最大跌幅數據表現，今年1-5 月的全國固定資產投資按年大跌 4.1%，跌幅遠超市場普遍預期的 2%，創下 6 年來最慘淡的表現。
背後是因為地產市場持續低迷，前5個月地產開發投資大幅萎縮16.2%，而雪上加霜的是，由於企業對未來前景信心不足，製造業固定資產投資也出現自2020年12月以來的首次萎縮。
Q47802：
龔Sir,請問2631還是2577好啲？謝謝！
龔成老師：
兩隻都是較高風險類別，你預英諾賽科（2577）會好D。
2577是高風險高潛力類。
這企業是全球首家實現量產８英吋硅基氮化鎵晶圓，且具備產業規模提供全電壓譜系的硅基氮化鎵半導體產品的公司。
佢從事設計、開發及生產的氮化鎵產品，包括分立器件、集成電路、晶圓及模組，用於多種行業的電源應用中，例如消費電子產品的快速充電器和適配器、可再生能源的電池管理系統及工業應用等。
客戶包括領先的半導體製造服務供應商、專門從事可再生能源技術的高科技公司以及汽車ＯＥＭ的一級供應商。
近年生意都有持續增長，不過就一直虧損，所以估值較難，股價也會十分波動，企業雖然有發展力，但始難講當刻股價是否已超前反映。
因此，你預佢高風險，如果睇好，都只建議小注。
Q47803：
在想請請教一下06181 💔
近日跌得很恐怖
龔成老師：
因為之前升得太多，而在中國消費力不強，加上黃金價格下跌情況下，佢都會有影響，但這股有質素的，不過股價波動，如果貨不是過多可守往先，但太多要減部分以平衡風險。老鋪黃金（6181）是經中國黃金協會認證的「中國率先推廣「古法黃金」概念的品牌，是中國古法手工金器專業第一品牌」。
運用中國經典文化與非遺工藝，並致力於推出兼具文化、時尚屬性和能夠展示高品質的產品，涵蓋日常配飾、日用金器和擺件等。
集團的黃金產品主要包括足金黃金產品及足金鑲嵌產品（足金鑲嵌鑽石或其他寶石），且絕大部分收益來自線下自營門店銷售的原創設計古法黃金珠寶。
Q47804：
港股仲有投資價值咩？
啲人講到港股好似A股咁樣
龔成老師：
最重要睇企業，只是企業有質素有發展，其實長遠股價仍可向上。只是近期中國消費力一般，加上外圍可能加息等因素，令股市較弱。
我會建議「港股+美股」，其實，最重要是買優質股，港股有港股優質股，美股有美股優質股，這才是核心。
Q47805：
龔sir你好呀，尋日上完堂有少少嘢唔明，麻煩你得閒先回覆我🙏🏼
尋日教咗恆指市盈率點樣去分別大市平定貴，呢一個我明白，但點樣去分辨每隻股票平定貴係咪有另一套方法？遲啲會教？ 謝謝你
龔成老師：
恆指市盈率，是可以簡單比我地知，港股整體的平貴度，這是一個入門指標，準確度高，但仍未足夠。
下一步，就是個股進行估值，去幫每一隻股票計算平貴度，放心，這些技巧在第4、5堂會教。
Q47806：
龔Sir你好，我現在40歲，同太太2小朋友在加拿大，依家兩個都有工作，不過相比喺香港嘅收入少咗，每月家庭總收入大概$40000港幣，之前都有上過你嘅投資課程，所以之前都有月供股票，以下係我嘅股票分布:
0005匯豐：883股
0066港鐵：2203股
0388交易所：218股
0700騰訊：166股
0823領展：956股
1211比亞迪：155股
1810小米：1553股
1928金沙：1756股
2382舜宇：826股
2800盈富基金 ：3672股
2845中國電車：50股
3067安碩：600股
9988阿里巴巴：200股
想問一下，我地依家喺加拿大，已經沒有月供股票了，不過依家對9880優必選同美股英偉達有興趣，我應該繼續持有上面嘅股票，另外再月供或分注，還是放咗上面其中某啲股票嚟月供或分注？
另外，我依家嘅情況，應該再投資科技股，定係平穩收息股？
如果買美股，我知道係冇得月供的，用香港嘅平台買，手續費是否比港股貴？？？我地本身係用恆生銀行户口買港股的，美股也可以用恆生户口嗎，還是用其他交易平台買？？
謝謝
龔成老師︰
首先，你現時40歲，應以增值為主。平穏增長股和潛力股，大約6:4比例。
你現時持有股票，都有長線投資價值，但留意幾點︰
-
長線盡量在10-15隻以內，咁會易定期審視質素變化。
-
0005主要係收息，0823和1928近年質素都弱左，這些長線不宜持有太多。
-
長線加少少美股，平衡地區性風險。
英偉達(NVDA)係一個合適選擇，但始終唔平，你可以長線月供去慢慢儲。
-
如果每月有一定閒錢，同時又有半年至1年生活費備用，建議重新再月供或分注優質股。
-
優必選（9880）主要從事智能服務機器人及智能服務機器人解決方案的設計、生產、商業化、銷售及營銷以及研發。這是其中一間，有一定實力的機械人相關公司。
企業長遠有發展力，不過，行業都有一定風險，始終較新興，財務數據也不算好強。投資暫時只宜小注。
產品在不同程度上配備了感知、交互、分析及處理人類指令及外部環境（如建圖、溫度測量及人臉識別）的智能功能，範圍涵蓋消費級機器人及電器，針對教育、物流及其他行業定制的企業級智能服務機器人及智能服務機器人解決方案。
業務雖然有發展力，但生意波動大，風險較高。暫時只建議小注投資(故不適合月供)。同時，一定要明白風險，低風險者不宜。
以下是它的分析影片，可以參考下︰
https://www.youtube.com/watch?v=vFiud0-qpgw
- 美股其實可以1股股買，你自行每月買少少，咁就可以。
如果較貴美股，可以每2個月買1股咁去儲。
- 恆生都有美股服務，你開個美股戶口就得，當然你用其他合規證券商/銀行，都係可以。
Q47807：
想知快手47元可以持有嗎
龔成老師：
快手（1024）雖然近幾年的營業額有好轉，但增長力及賺錢能力，並不及過往年代。如果貨多宜減。但貨少無問題，但不是劣質的。
快手本身在直播方面不過不失，快手與業務夥伴合作提供了一系列產品和服務，於滿足平台上自然產生的多種需求。快手提供的產品和服務包括娛樂、線上營銷服務、電商、網絡遊戲、在線知識共享等，但中國監管早幾年前開始加強，對佢都有影響，賺錢能力受打擊，近年才算穩定翻，但行業已不是特別好賺。
由於過往一直的估值都高，所以，除非業務有明顯及較快的增長出現，才能支持到往後股價大幅向上，否則，往後股價只能處於波動及慢慢向上，現價合理，不過都要控制投資比例，以這企業現時的增長力來說，不值得買太多。
Q47808：
龔Sir，你好，昨晚上堂我跟唔到如何計算恆生指數市盈率幾多倍。
例如我想計算昨日恆指市盈率是用昨天收市昨天收市的恆生指數［24249.29］÷ 盈利 計出昨天恆生指數市盈率，盈利呢個數係邊度揾到。
龔成老師：
你方向錯左，我重新教你一次：
你首先要找
1）最近一個月的恆指點數
2）當刻的市盈率：
即是2026年5月底：
恆指點數為：25182點
市盈率：13.68倍
當有了這些資料，下一步就是睇現時的恆指：24249點
我地就可以計算最新的恆指市盈率：
(24249X13.68)÷25182
=13.17倍
Q47809：
龔sir 請問理想汽車近期如何啊？
龔成老師：
佢首季由盈轉虧，第一季淨虧損高達 23 億元人民幣（去年同期為盈利 6.5 億元）。毛利率重挫：車輛毛利率從去年同期的 19.8% 跌至 6.1%，而虧損主因是以價換量：定價較低的純電新車（如理想 i6）和 L6 佔比提升，拉低了平均單車售價。
其實銷量表現不算差，第一季累計交付 95,142 輛新車（按年微增 2.5%），在內地 20 萬元人民幣以上的中國新能源車品牌中，依然高居銷量第一。
全新純電 SUV 理想 i6 成為新增量，月銷量穩定在 2 萬輛以上，次季指引：預期第二季交付量介乎 9.5 萬至 10 萬輛（按年可能下跌 10% 至 14%），反映出市場競爭依然非常激烈。
Q47810：
美股現在價位好似好高，AI 是否有泡沫呢？ 在香港月供美股是否在 interactive brokers 或銀行買？
Interactive brokers 是否穩陣？
龔成老師︰
美股唔平，不宜太進取，但又未算好貴。
至於AI是否有泡沫，唔係而一刻可以判斷。
因為要睇佢將來發展，如果係市場預期咁好，咁背後係有支持。
相反，AI應用被高估，現時好多企業架高資本投入，就唔輕易回收(令盈利受壓)，就會造成泡沫。
在香港，你用合規架機構買(銀行/證券商都得)，咁就可以。