Q40791：
Hello, 請問55歲仍可以稍為進取一點，MPF投資美股巿廣場嗎？
龔成老師︰
先講強積金的配置︰
其實並不複雜，首先要注意，強積金是一個超長線投資，因此不宜做中短期炒賣，不用以預測投資市場的走勢去將強積金轉來轉去，除非你很確定，現時的投資市場明顯平，或明顯貴，否則在大部分情況，強積金不用轉來轉去
其實，你只要按你的年齡階段，去進行分配就得，年輕時較進取，到了中年就以平穩作配置，到退休前5-10年基金配置就要趨向保守，為退休做準備。因此，你只要按年齡做好配置，並且因年齡漸增，慢慢將強積金轉為較保守類別就得。
另外，在股票配置的部分，你可以考慮環球股票，又或以中國+美國作為核心，因為這兩在往後10年，都是全球兩個最大的經濟體，你同時持有可以。
其實強積金，著重配置、平衡，不著重炒賣。要考慮長期配置的模式。
至於你情況︰
其實55歲，都有一定增長空間和時間。不過，始終係接近退休之年，如果組合有重大虧損的話，追回的時間未必太充裕。
所以，如果你想係MPF部署一些具增長力的選擇，係可以，但不宜過份進取。
同時，當年愈接近退休之年，就要慢慢加大保守類的比重，去平衡風險。
Q40792：
老師您好，本人居住澳門，想買美股，上網看到好多方式，ㄧ直分辨不出哪個管道比較合適
想用阿甘投資法，每年5萬買voo,
BNU合適嗎？每單交易手續費20美金，5000股後0.01美金
龔成老師︰
VOO方面，你可以自己定期買，唔一定月供。但唔好距到太開，例如1,2月入一次會較好。
另外，現時美股唔平，唔好太進取。長線都要分散地區，買D港股，去平衡。
至於用邊個平台，我就無建議。最重要係可靠和合規，另外就係成本和便利度。
Q40793：
龔sir 您好，想請教美股ON 運動鞋品牌 (NYSE: ONON)的投資潛力，及與 Nike 和 Lululemon 嘅潛力比較？
謝謝老師
龔成老師︰
On Holding AG（ONON）業務是高性能運動品牌，佢的鞋履、服裝和配飾產品主要設計用於運動、休閑或休閑目的。
佢成立於2010年，總部位於瑞士，為網球明星Roger Federer所投資及代言之瑞士運動鞋品牌。
公司主要業務為運動鞋研發設計、製造及銷售，鞋款種類包含路跑、遠足、室內運動等。公司主要透過全球零售店批發銷售「on running」/「ON」品牌鞋款。
知名鞋款為「Cyclon」，為100%可回收之運動鞋款，此鞋款採用訂閱制，如出現磨損問題可寄回公司換新鞋。另公司還銷售服飾及鞋襪、帽款等配件。
近年業務增長快，生意有高速增長，但企業過往虧損，近年先開始有盈利，同時盈利的代表性不高，過往股價上落大，雖然業務增長快，但估值較為困難。因此如果睇好這股，投資都可以，但暫時只建議小注投資。
如果潛力度計，會係ONON較高，不過佢不確定同樣大，所以唔好太進取。
Q40794：
Sir 舜宇，瑞星，比亞迪電子近期都升咗好多，請問舜宇的合理價是多少啊，我在高峰$210入過一手， $83又有一手，之前你介紹時，想應該可以再入。
點知你介紹完就不停係咁升，由50多啲升到接近80，現在好後悔50幾蚊時冇入。你介紹過嘅股份大部份都升咗好多，好似小米，當日14 左右介紹過，當時市場氣氛好差，唔敢再入市，冇諗過半年左右已升左一倍
之前我每個月$2000供盈富基金，在去年8月停咗，現在想將這$2000供另一隻股，你覺得供小米可以嗎？ 這個供股係當幫我女儲錢的。感謝你無私的解答。🙏🏻🙏🏻
龔成老師︰
舜宇(2382)你預佢現價係合理區中間上少少，佢始終有技術，長遠仍有發展的，但就算這刻，始終不確定性高左，因此都不建議持有太過多。
另外，要去翻你個買入價，真係要經濟全面好先大機會。個時點解升到咁高，係因為換智能手機潮，但下次有咁大需求架情況出現，未必係短期內會發生。
至於"點知你介紹完就不停係咁升"，其實有睇我影片，都唔只而一隻，小米、Costco、比亞迪電子、新能源股等等，都有唔錯，甚至倍數計升幅。
不過，我出影片目的，唔係要大家依賴我。而係想示範比大家睇，要找到倍升股，其實唔難。重點係你有無認真學好投資而件事，如果有，就自然有能力承載(近一年，好多舊生都賺唔少)。
但如果你唔識估值和分析選股，就算話埋比你知，你都唔會敢去買，而個就係一般人和富人的分別。
最後，記住月供係一個長期計劃，唔好供供下就停。
我地投資係唔會"估"走勢，我地只會用平貴，去定入市策略。現時大市在合理水平，我地係無需要去停止月供。
因為月供係一個長線計劃，透過平均格價買入法，去拉平衡你個成本。如果你隨意去變動，好易破壞左個效果，影響長線回報。
我見太多例子，就係供1,2年，見隻股票一直跌就唔供。其實咁係白白錯過左最重要"低位"儲貨的機會，令到整個月供效果嚴重受損。
記住，無論持有定係月供一隻股票，最重要係睇佢長線投資價值。如果無變差，只係股價跌，其實係唔洗理(甚至可以加注入平貨)。而唔係見個價跌，就當佢無投資價值，急住去沽，咁係好錯。
如果你係初學者，未識定平貴，我建議你一直不理價格照供。除非你自問有充足投資經驗，你才可以考慮在大市明顯貴時，調整供款，甚至停供。
我建議你照供2800，小米你都可以加入月供名單，但現價唔平，可以小注月供住先。回得較多，才月供正常金額。
Q40795：
老師 想問問比亞迪電子跟舜宇 現價是否過高 沒有貨可以入市嗎
仲有一隻 01177 / 一隻 02080 都想問下前景跟現價？
何時才到信義光能/信義玻璃既年份
龔成老師︰
比亞迪電子(0285)唔平，近期升唔少。無貨現價最多小小注，有貨就唔好加。
舜宇(2382)你預佢現價係合理區中間上少少，佢始終有技術，長遠仍有發展的，但就算這刻，始終不確定性高左，因此都不建議持有太過多。
中生製藥（1177）長遠有發展。不過，市場其中一樣擔心是中國政府的採購政策，影響企業賺錢能力。
自從帶量採購政策開始，部分中標藥物降價幅度可以超過五成，對相關企業影響不少，令中生製近年的股價較弱。另一方面，中國政策近年鼓勵藥企發展創新藥，而過往不少藥企都以發展坊製藥為主，故此對不少藥企有所影響。
雖然這些行業政策的改變，影響了企業的賺錢能力，不過，行業同時進行汰弱留強，所以長遠對一些較有實力的企業來說，不一定是壞事。而中生製藥，是中國藥企中，其中一間較具研發能力的，而經過近年的投資期，特別是部分創新藥陸續進入收成期，這股將慢慢好轉。
部分創新藥，開始為中生製貢獻不少收入，同時增長快速，加上近年投入大量資金研發，考慮到這企業過往能不斷推出新產品及擁有的研發能力，相信之後能保持推出具有競爭力的產品。
投資這類醫藥股，投資者要集中睇長遠前景，而不是短期情況。
這企業短期仍受中國政策等因素影響，但長遠，企業仍是擁有一定的研發能力，長遠仍是有發展的。
要留意，始終醫藥企業有風險的，投資者要考慮自己的風險承受能力，控制注碼，如果你投資後不能承受股價波動風險，就不建議投資這股，同時，要控制佔組合比例不宜過多。同時要耐心持有，等企業收成。現價算是合理區底部。
之前我有出過影片分析佢，你可以睇翻︰
https://www.youtube.com/watch?v=zvHAyP77Pss
奧克斯國際(2080)現價合理，但質素一般，唔建議持有太多。
最後信義系而家面對成本、需求的不確定性，所以表現會較為波動。什麼時候會到它們的升市年代，無人知。但佢地係有長線價值存在，值得考慮。但始終行業風險唔細，不能大注。
Q40796：
因為我本身1928已經有唔少 所以諗緊要唔要溝下貨
$26
係米都係唔好
龔成老師︰
金沙（1928）你預中短期中國消費弱，回勇要時間。
長遠有質素，但不建議你持貨太多。
可以長線持有，本身擁有一定的資產及品牌，加上以賭彩加娛樂模式進行，企業有一定的價值，雖然澳門最高速發展年代已過，但相信仍長遠仍有平穩增長的能力。
佢業務情況慢慢向好，但全面回勇始終需要時間。
金沙投資價值仍在，不過就不是高增長股，相信有平穩增長的能力，同時有一定的派息，現價合理，分注投資，長線持有，可以。
不過，你要攪清楚一點，就係唔好因為跌，想拉低平均價就散咁溝貨，咁係好危險。
你要明白"溝貨"與"分注"的分別。
"分注"即係本身預左一個資金上限，再去因應佢平貴度，慢慢加注入去。這是預先有計劃，去按股價變化去進行。
而"溝貨"﹐即係見佢跌就不斷入貨，純粹只係希望盲目咁拉低平均個價。覺得之要平均價跌，未來平手離場機會就會大左。"溝貨"係好多散戶鐘意用架策略，不過溝貨唔單只唔會幫到你更易平手，反而係增加緊你組合風險。因為一邊拉低平均成本價的同時，你手上架股票比重都增加緊。而這類股票好多時，只會愈跌愈深，令散戶愈加注，愈輸錢。
我建議你睇翻以下Youtube影片，對你理解溝貨而件事(作用和風險)，對你未來投資會有好實際架幫助。
https://www.youtube.com/watch?v=5yu9jrvfGX4
金沙(1928)是否加注，你可以睇下自己佔組合比重，如果已有一定數量，就不要再加。
Q40797：
Hi呀sir, 百度點解啲股票無乜波動咁, 佢值得投資嗎
依家大概係咩區
龔成老師︰
每隻股票，都有各自的業務情況，長遠股價，也是睇業務，因此，如果市場見佢業務無突破或大變動，股價有機會波動較少。不過，你不用太著重短期波動，最重要睇長遠企業發展。
百度（9888）有質素，有獨特性，長遠發展不差。
佢係全球最大的中文搜索引擎「百度」的營運商，係內地用家搜尋資訊主要對口，用戶規模突破10億，百度App日活潑用戶超過2億，多個指標都處中國第一。
業務上，佢擁有好強大互聯網基礎的領先AI公司。自2010年起一直投資AI以提升搜索及變現能力，並使用核心AI技術引擎「百度大腦」開發新AI業務。
我睇翻一些報告：
1. 佢擁有中國最多的AI專利數量以及AI專利申請數量。
2. 按累計拉取請求計，百度的深度學習框架飛槳居中國深度學習框架榜首，全球排名第二，僅次於Facebook Pytorch。
3. 按開發者數目計，百度開放式AI平台擁有超過數百萬名開發者，係中國最大的開放式AI平台。
4.按開發者數目計，係百度雲基礎設施上運行的Baidu OSChina是中國最大的開源活動開發平台，全球排名第三。
百度核心業務（唔包括愛奇藝）由AI驅動，為其貢獻超過70%的總收入，主要提供基於搜索、信息流及其他在線營銷服務，以及來自AI新領域的產品及服務。
並廣泛使用AI技術開發創新營銷服務（例如動態廣告），為各搜索用戶推薦最適合的營銷客戶產品。
現時佢坐擁不少資訊和客戶群，就可以利用佢地去發展很多不同業務，可以話係一個好大的優勢。佢收入不差，長遠有發展，但由於本身有相當規模，因此，未必是高速增長型。
百度在規模和質素上，一定係有。但近期科網股波動，風險高左，同時到上市一刻不確定性高左。
現價合理，可分注。
Q40798：
龔Sir，175吉利汽車現價值得買嗎？
龔成老師：
吉利（0175）過往質素不差，但近年增長力有所減弱，以及賺錢能力都有所減弱。
近年受新能源車市場影響，令賺錢能力受到影響，其實這企業已經加快轉型，近年年報也有提及「本集團以新能源轉型作為經營重點，大幅加快新能源轉型步伐。」
中長期來說，要新能源車有較理想的銷量，同時當中的毛利率要明顯提高，才能帶動這企業全面回勇。
其實，吉利這刻的情況又不是太差，新能源汽車銷量增長中，但由於吉利新能源汽車毛利率大幅弱於燃油車，令整體的毛利率於2022年同比下滑3個百分點，至14.1%。因此，吉利要回勇，除了保持銷量增長，以搶佔市場外，提高賺錢能力同樣重要。
整體來說，這企業並不是無質素，但短期仍會較一般，至於中期期能否好轉，就要睇上述所講的因素。
雖然現價處合理區較下部，但由於整體的不確定性增加左，因此就算投資者對這股有興趣，值得投資的金額都會略為減少。
Q40799：
老師：金山雲有投資價值？
龔成老師：
長遠有發展的，但近期都上升好多，都擔心股價短期波動。金山雲（3896）由金山軟件（3888）分拆。主要透過合同安排在中國從事於為企業及公共服務機構提供雲產品及解決方案。
佢提供各種雲產品，首先是統一的ＩａａＳ（基礎設施即服務）基礎設施，其次是ＰａａＳ（平台即服務）層和ＳａａＳ（軟件即服務）應用軟件。雲產品和解決方案可通過公有雲服務及行業雲服務進行部署。
基於公有雲技術的產品功能系統包括計算（基礎計算、雲數據庫、數據倉庫、大數據、雲安全、雲網絡）、存儲及分發。公有雲服務在外部基礎設施上運行，並可通過互聯網交付給客戶。集團通常根據使用率和持續時間按月向客戶收取服務費，及在固定訂閱期內提供預付費訂閱套餐。
行業雲部署則主要在客戶本地部署及運行，且由該等客戶專屬使用。集團根據履約完成情況按項目向客戶收費絕大部分收入為非經常性。
佢提供由不同產品組成的行業特定解決方案，涵蓋視頻、公共服務、醫療健康、遊戲和金融服務等行業。主要以直接銷售方式提供服務，及會在若干情況下與第三方代理合作。
業務雖然增長快，但未有正式盈利，同時預期之後的業務仍波動，這股估值難，如果投資，只建議小注，相信發展力是有的，但同時股價好波動。
Q40800：
老師，我想問碳中和股，華潤電力和中國電力，應怎樣選擇？
龔成老師︰
其實之前我我Youtube出D相關架影片，你可以睇翻。
簡單咁講，2者業務性質類近，主要都係透過轉型，創造新增長機會。潛力度方面會係0836高少少(當然風險都會高D)，而2380預期會係相對較平穏。
若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。
另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。
由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。