Q36871：

阿sir 我係你學生，圖中資料我唔係好識睇 佢收益係咪要6月加12月咁睇即係大概122億？

同埋盈利係咪17億加12億

上堂教一整年 而家佢分開即係點？

龔成老師︰

其實下面個日子，以2023/06計，係講緊佢全年(2022/07/01-2023/06/30)架業務表現。因為而隻股票，周年係用每年架6月30日作為結算。

而2023/12，係講緊佢2023/07/01-2023/12/31，即係半年架表現。

而你下圖架大家樂，佢係用3月31日做結算，所以數字應該可以照用BOC網。

而2023/09個半年，你加在2023/03全年架數據後面，咁就可以。

Q36872：

龔老師你好，一畢業做野就follow你到依家，都follow左好幾年，可惜之前跟唔到你買BYD！呢排有1百萬左右閒錢，想問下呢排買唔買得過 - 百度 同 小米，中短期。謝謝！

龔成老師︰

首先，多謝你多年來的支持。其實，市場從不缺乏機會，只是你有無相應的知識去承載佢地。

我想先糾正你一個的投資觀念，我地投資一定係長線(所以我唔會去估中短期走勢)。你見全世界最成功的投資人巴菲特，都只會做長線投資，唔會短炒。

因為中短期股價，可以因為好多因素影響，有些因素甚至跟企業無關，所以無得計。但長線企業價值，必然會反映在股價上，只要長線持有優質股，就自然會有理想回報。

我地只要分析好一間企業質素，同埋用佢架平貴度，去制定入市策略。

當買入後，只要佢長線質素無明顯轉壞，我地長線持有，讓其自然增值就可以。

百度（9888）有質素，有獨特性，長遠發展不差。

佢係全球最大的中文搜索引擎「百度」的營運商，係內地用家搜尋資訊主要對口，用戶規模突破10億，百度App日活潑用戶超過2億，多個指標都處中國第一。

業務上，佢擁有好強大互聯網基礎的領先AI公司。自2010年起一直投資AI以提升搜索及變現能力，並使用核心AI技術引擎「百度大腦」開發新AI業務。

百度在規模和質素上，一定係有。但近期科網股波動，風險高左，此股投資可以，但要控制注碼。

小米（1810）以手機、智能硬件，以及物聯網為平台的公司，小米專注於互聯網直接銷售產品，近年發展電動車。

雖然發展電動車，投入了較多資金，令風險比過高左，但如果成功，股價可以倍升，不過如果失敗，股價會進一步弱。

隨著新產品系列推出，小米賺錢能力提高，同時佔據了一定的市場，在中國安卓類手機4,000至5,000元價位，小米出貨量排名第一。

另外有一點值得留意，小米最新的全球及中國大陸MIUI月活用戶數持續增長，達到約6億和1.5億，均創歷史新高，而這部分會慢慢產生更多的將來收入，所以前景又不用睇得太差。

由於生產電動車令投入了資金多左，在市場未見到產品前，一定會認為風險高左。但當有具體產品出現，加上原本手機等業務開始好轉，現金流好轉，風險度就會減少，令估值有一定的重估。

考慮到小米過往的發展，其產品性價比不差，以及研發能力強，其實電動車值得期待的。

這股可長線，現價約合理區中下部，分注可以，不過都要控制注碼，預佢股價仍波動。

雖然(9888)和(1810)都有長線投資價值，但首先佢地同是科技股，會有過度集中問題。一般不建議同一行業的比例超過組合的3成，避免風險過於集中。

另外，佢地都係潛力股類，雖然你的年紀可以承受一定風險，但潛力股建議總體不要高於組合4-5成(若你經驗淺，要再下調比重)，咁會較穏當。

所以你可以加入一些「平穏增長股」 和 「潛力股」，去建立一個平衡性高架組合。

以下是一些具質素的股票，策略上你先動用$100萬中的$30-40萬去分注儲倶。其餘資金等有一定回調，才慢慢加注，或者等你投資知識提高後再投入，咁會較好。

平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。

如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。

Q36873：

老師請問939而家算唔算高位、有冇機會上返6

龔成老師：

建行（0939）現水平合理，不是高位，但這企業一向增長力有限，只是收息，因此，要上$6不是短期事。

本身質素不差，有一定的規模，在全球都有網絡，本身不會無質素的。

不過，這股增長力不算強，只是一隻收息股，現價投資可以，因為在合理價中下，但唔好對股價有太大期望。

前景不過不失，中短期會因中國經濟有影響，銀行業的賺錢能力不及從前，加上壞賬因素，都影響盈利能力。

Q36874：

想問如果而家入市可以嗎？

龔成老師：

要睇你的投資目標，如果基本增長，就港交所（0388），如果收息，內銀都可以考慮，如工行（1398）、建行（0939）。

Q36875：

富人思維即係點? 😊

龔成老師：

學習做生意、投資、建立企業、真正賺錢的知識，而不是學打工技巧。

另外，仲有好多思維不同，例如窮人以減少為基礎（例如盡量不付出，不比錢學習），富人則以增加為基礎，例如投資在自己身上，怎樣令到自己進步。

Q36876：

老師點睇隻Lululemon

龔成老師：

Lululemon Athletica（LULU)設計、分銷和銷售女士、男士和女孩的運動服裝、鞋類和配飾。

它通過17個國家的570多家公司自有商店、電子商務、奧特萊斯和批發賬戶銷售其產品。成立於1998年，過往生意穩定，營業額每年上升，是優質的股票，不過，這刻估值已偏高。

Lululemon憑當中瑜伽服在近年受歡迎程度不斷增加，令業務保持成長，在近年財務數據可見，企業業務發展正面，保持理想增長，不過賺錢能力略有下跌，反映企業在發展新市場時，以市場佔有率為先，而未必太著重賺錢能力。當然，部分原因是因為成本增加，而未能全部轉嫁給消費者。

企業有質素，長遠有發展力，但較擔心是估值，因為現時估值已高，市場過份睇好這企業的發展。雖然這企業仍有發展，但投資者要留意，企業賺錢能力近年並無明顯增加，加上服裝是潮流產品，不排除日後情況有變，因此就算這刻業務有高增長，也不能推算長期必然能處於這情況。

考慮到風險因為及現時估值，這刻已開始有少少貴的況，投資者要留意風險。當然，如果企業能保持高增長，這刻的貴日後會變得合理，不過，就算投資者睇好這股，也不建議持貨太多，小注持貨好了。

Q36877：

老師，你進階班提過隻2423，升左好多，之前買左少少，現水平可追入？

龔成老師：

貝殼控股（2423）（美股：BEKE）可加少少，現水平仍有投資值博率，不過，總投資金額就不要太多。佢有質素，是中國的線上線下一體化地產交易平台，建立了行業新的營運模式，為消費者提供二手樓及新樓交易、物業租賃、家裝家居等服務。

旗下品牌「鏈家」於2001年成立，是中國大型的地產經紀公司，擁有龐大的實體店及地產經紀團隊，配合「貝殼」的線上平台，成為一體化地產交易平台，是中國地產經紀行業的龍頭。

投資者要明白這企業的特點，較受中國地產成交等因素影響，財務數據都會大幅波動，因此要面對短期的股價波動影響。而分析時，要以長遠角度作核心。

企業有長線投資的價值，比起其他內房，這股在各方面都較穩定，如果中國房地產市場好轉，這企業也會受惠，因此，投資值博率會比其他內房好，有穩中求勝的作用。

當然，投資者都要控制好注碼，投資時要以分注的策略進行，因為潛在股價都可以很波動。

現價算是合理中下，可分注，但總投資金額不能太過多，買入後可長線，低風險者不宜投資這股。

Q36878：

老師，我持有1766 / 1800 / 390，已持有多年，共已損失10萬，我見這幾隻前景無進展，現在有打算全沽出換小米

你覺得怎樣

謝謝🙏🏻

同埋小米日日升，想等佢跌，但就升，幾錢才入？

謝謝

龔成老師：

中國中車（1766）、中國交通建設（1800）、中國中鐵（0390）其實近年的發展，不過不失，不是劣質類，但也不是高增長，如果要上翻多年前高位，相信較難。

你可以考慮減一半，轉去小米（1810），但你都要明白，原有3隻相信長遠會平穩增長，而小米風險就會高左，但如果佢成功增長力當然會較強。

至於小米（1810），這股可長線，現價合理，你可以用分注可以，不過都要控制注碼，預佢股價仍波動。不要一次過用盡資金，分幾次去買就得。

以手機、智能硬件，以及物聯網為平台的公司，小米專注於互聯網直接銷售產品，近年發展電動車。

雖然發展電動車，投入了較多資金，令風險比過高左，但如果成功，股價可以倍升，不過如果失敗，股價會進一步弱。

隨著新產品系列推出，小米賺錢能力提高，同時佔據了一定的市場，在中國安卓類手機4,000至5,000元價位，小米出貨量排名第一。

另外有一點值得留意，小米最新的全球及中國大陸MIUI月活用戶數持續增長，達到約6億和1.5億，均創歷史新高，而這部分會慢慢產生更多的將來收入，所以前景又不用睇得太差。

考慮到小米過往的發展，其產品性價比不差，以及研發能力強，佢電動車長遠發展值得期待的。

Q36879：

之前8.1煤氣

現價可沽出嗎？

龔成老師：

最重要不是睇你買入價、賺蝕數，因為這是一個心理因素。

你要考慮現時這股長遠的發展如果，佢的增長及風險，是否合你。

煤氣（0003）增長力比過往減少左，但不是無質素的。

雖然近年業務較一般，但煤氣近年在中國的投資，仍是保持進行的，數年前，煤氣在中國於擁有的項目有500個，到現時，大約700個。

每年都有幾十億，這些投資不會好快就見到收成，但這企業就仍是發展中的，但要時間才能將當中的價值顯現出來。

你預佢長遠，有平穩增長能力，如果你持貨不過多，這目標合你要求，你可以持有，佢現價合理，並不是貴。不過，如果你追求高回報，這股未必適合，可轉其他。

Q36880：

龔Sir，買美股收息要俾30%税係咪唔化算？

龔成老師：

的確是一個較高的成本，因此，如果要選收息股，會建議港股。

除非該美股的股率十分高，又或長遠股價及股息都有不差的增長，才會考慮美股收息股。