Q41021：
我想請教一下, 如果好似D收息股 #5, #941, 已經升左好多, 你會唔會建議放左先, 之後平D再儲返?
我其實原意係作長線投資收息, 但無惗過會升到呢D價, 係唔係應該開始放左先？ thanks 🙏
龔成老師：
如果升到貴的水平，就可以賣出。
不過，匯豐（0005）因為股息有實質上升，現時升左好多，而股息率仍有7%，即是股息仍有吸引力，未貴。
而無人知賣出後能否買得翻。
因此，匯豐（0005）、中移動（0941）雖然升較多令期會波動，但其實兩隻未貴，所以，如果持貨不是過多，其實可以有，繼續收息。當然，如果你真的想賣，賣部分都得，但就建議留部分。
記住，無人知賣出後能否買得翻。
Q41022：
老師想問匯豐51元買，現在85元，可以沽一些嗎？
龔成老師：
如果你貨多，可以減部分，留部分。
但由於佢近年都有業績支持，所以，要大跌不易。
匯控（0005）最差時期已經過去，業務正好轉。
不過，銀行業的賺錢能力比過往減左，因此不能視為增長股，但當經濟好轉，始終都會有錢賺，因此都有投資價值。
相信長遠是收息股，但股價增長就未必太強。
這股都有投資價值的，你可以留部分貨，長線收息。
Q41023：
阿sir，想問下3067現價值吾值得入手啊？
龔成老師：
安碩恒生科技（3067），有長線投資價值。
這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。
這基金上落較大，現價大約在合理區較下部，但始終較波動，因此，不建議一次過太大注投資。
最好的策略，就是分注，或月供（例如每月買一次、或2個月買一次），總之慢慢入，不能用盡現金，原理如同不斷儲貨，這樣就能平均買入價，減少風險。然後就長線持有。
Q41024：
老師，想問下1810 小米，平均價$19，有13000股，應唔應該放？
龔成老師：
企業長遠仍有發展，但近期升左好多，預佢短期會波動。
你可以睇翻現時小米（1810）佔O你組合的%，如果較多，例如2、3成或以上，你可以考減部分轉其他。
建議點都要留部分，不要全部賣。
但如果你持貨佔組合%不多，就可以全部長線，不過要明白短期波動。
Q41025：
想同你講下隻小米，我均價$13.84
之前屋企人不停叫我食糊 $22 叫 $26 叫 $30 叫 $40 叫 依家都係咁叫
我心諗基本面咁好 我又賺梗
做咩咁心急姐😂
繼續揸住先
龔成老師︰
係，其實好多時散戶有個心態上架誤區，就係只著重賺差價。
不過，真正架投資，係希望買入一些優質企業，透過佢自然增長，達至財富增值目的。絕對唔係"短炒"，係用儲資產的心態去做。
Q41026：
龔成老師，想請問現價入5/2388，那隻值博率會高的？
龔成老師：
兩隻都是有質素的銀行股，都可投資，都有長線息及平穩增長的能力。你可以考慮同時持有。
如果分析近期業務情況，匯豐（0005）會略好，匯控（0005）最差時期已經過去，業務正好轉。
不過，銀行業的賺錢能力比過往減左，因此不能視為增長股，但當經濟好轉，始終都會有錢賺，因此都有投資價值。
相信長遠是收息股，但股價增長就未必太強。
這股都有投資價值的，但都不能持貨過多。現水平約合理區中間，作為收息及少少基本增長，這股有長線投資價值。
Q41027：
龔老師，想問下我9988係257戈時買，有900股，我而家好唔好賣左一半佢轉買1810小米？小米而家有1手，25.8戈時買的
而家小米越升越高，咩位再入d好？
龔成老師：
如果你9988持貨佔組合%多，可以考慮減一半，留一半守。
至於減持將資金投資甚麼，1810雖然有發力，但近期升左好多，這刻投資未必是最理想的時期，可考慮回翻小小先，同時要分注。
又或者，你可以將賣出9988的資金，資其他股，3067也可以考慮，而1810只佔小小。
Q41028：
老師，請教一下02443 汽車街的企業質素是否不太樂觀，我持貨比較多，現在股市漸轉向好，它都不動聲色，我考慮是否沽清止蝕🙏
龔成老師：
汽車街（2443）為一家連接二手車買家及賣家的交易媒介。
這企業透過旗下交易平台以同步拍及在線拍兩種拍賣形式促成二手車交易，並為二手車買賣雙方提供貫穿整個二手車交易週期的全套增值服務（主要包括向二手車賣家提供收購前評估檢測、二手車收購支援、提供二手車管理系統（ＡＤＭＳ）及辦證過戶服務）和其他服務（主要包括二手車收銷安排、展會業務及其他服務）。
業務有點波動，生意近年有下跌情況，同時有個別年份出現虧損。
過往股價曾經大上大落，風險高，你預這股股價，長遠也只是平穩，難大升（除非有突然利好因素），方向上，會建議你減持。
之後可以觀察多1、2年業務發展，如果無驚喜，就賣。
Q41029：
龔sir 20 商湯見今日成交大左，我1.73買入，請給意見
龔成老師︰
近期內地AI相關股份開始熱炒，所以佢都會被炒起。
商湯集團（0020）業務都有發展，但要留意政治風險。同時業務都有一定的風險。
你可以持有，但不建議持貨太多。
佢係一家專注於計算機視覺軟件的人工智能軟件公司。根據報告，佢為亞洲最大的人工智能軟件公司，市場份額為中國最大的計算機視覺軟件提供商。
軟件平台的客戶數量合計已超過2400家，同時還賦能了超過4.5億部手機及200多款手機應用程序。集團並擁有8,000多項人工智能專利及專利申請。
佢專有的人工智能基礎設施SenseCore，佢已開發超過22,000個用於不同應用的商用人工智能模型，涉及多個垂直行業，已於智慧商業、智慧城市、智慧生活及智能汽車領域取得市場領先地位，服務商業空間管理、住宅物業管理、城市管理、製造、基礎設施、交通、移動設備及應用、醫療及汽車。
長遠來說，佢的技術應用將會更多，有發展力。
不過，美國已對佢進行打壓，相信之後仍會面對一定的政治風險，這對投資者來說都是一個較大的不確定因素。
因此，這股都有長線投資價值，但由於政治風險，因此不建議投資太多。
Q41030：
龔成老師你好,我手上有些股票，唔知仲有無質素，股票如下：
0003
2057
3067
0788
9988
想將以上的股票賣出，再用這些資金投資到1810和285。請問可否給予一些意見。謝謝你
龔成老師︰
你手上持股，都係有長線投資價值的股票。
不過，中通快遞（2057）質素只係中等，不建議持貨過多。
而煤氣(0003)近年質素弱左，可能要耐心少少先有增長，同時也要控制持貨比例。
至於1810和0285係有質素，但現價唔平。若你無貨，現價只宜小注，等跌先再加。有貨的話，則等有明顯回調才出手會較穏當。
3067可長線。
9988只要貨不過多無問題。
0788，只要貨不過多無問題。