Q40961：
Hello龔老師
我太太計劃想短期內生BB
-2021開始買股票，本金95萬，現價值105 萬，比較懶，好少作出交易，當中本金只佔10萬 是收息股。
-2023 買左北區自住樓，一房，九成按揭，借450 萬，供樓連管理費$21500
-mortgage link 現金80萬,每月收息$2000
-大概收入(comisssion): 太太$40000+先生$35000=$75000
-二人收人現月儲$35000，如有bb之後，可能只能儲很少，甚至冇。
1.考慮到太太準備懷孕，短期內沒有收入，想大量增加被動收入，以及應付之後的新開支。想將Mortgages link 部份嘅錢，轉買入收息股？高息股推介？或其他方法？
2.打算將自住樓轉放租，現租金值$15000，搬出市區租兩房，原因想近屋企人幫手睇BB and搬大d請工人，由於打算長期性選擇租，唔知可唔可行？
謝謝
龔成老師︰
1) 我們建議你從人生長線規劃去思考，如果只是短期無收入，建議你這部份用現金去作支援。
其實資金，維持以增值作為目標。畢竟你還年青，應先累積增長力股票(而非收息股)，去擴大本金，令自己更快達至財務自由，才是較適合做法。
所以，短期因素用短期策略去應對。但長線大方向，應跟人生階段作規劃，會較理想。
不過，如果你怕風險，可以將部分資金投資收息股（收息股與增長股的比例，就要睇你的風險度，以及有幾想將財富長遠增長，或只是收息）。
收息股的組合部分，目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。
3110可以視為收息股的組合中其中一員。這基金可投資的，現價合理，可分注。佢是投資香港大型，較穩陣，派息較高的上市公司。
2) 任何時候，都係生活第一，投資第二。如果有需要，係可以咁做。
Q40962：
老師, 你點睇金沙1928
龔成老師︰
金沙（1928）你預短期弱，始終消費力弱。
但不是無質素，可以長線持有，本身擁有一定的資產及品牌，加上以賭彩加娛樂模式進行，企業有一定的價值，雖然澳門最高速發展年代已過，但相信仍長遠仍有平穩增長的能力。
佢業務情況慢慢向好，但全面回勇始終需要時間。
金沙投資價值仍在，不過就不是高增長股，相信有平穩增長的能力，同時有一定的派息，現價合理，分注投資，長線持有，可以。
但由於近年業務風險增加左，因此，不建議投資太多。
Q40963：
老師你好，有大約100K，想準備小朋友用(現在3 歲) ，5年期限，想問下有咩suggestion
龔成老師︰
小朋友由於可投資時間長，策略上十分簡單。你可以儲(分注買入)盈富(2800)，佢係包括幾十間質素不錯上市公司股票的組合，有一定增長力。
若你想增長力較高，可以儲安碩恒生科技(3067)。但此股波動性會較大，要睇翻你自已風險承受能力。
基本上，以你小朋友年紀計，持有以上股票都係可以，但你明白當中風險。
另外，你可以考慮埋美股指數ETF，令組合分散風險能力更高。VOO和QQQ，前者追蹤標普500，算平穏增長型，類似盈富。QQQ追蹤納斯達克100指數，風險會較高，風險度近似3067。
Q40964：
老師，請問有冇邊隻內銀股推介，我見工商、中銀價位唔算低，但有意入一兩隻收息🙏
另外見到最近你有post中銀香港，想問中銀香港2388和中國銀行3988有無咩分別？邊隻入手比較好？
龔成老師︰
如果想買股收息的話，你可以在合理的價位慢慢儲貨，等大跌的時候先大手買入。
中國的内銀股現時的價位都合理，以質素來講，建行（0939）較高，當然，工行(1398)和中行(3988)都可以持有收息。
中行(3988)是母公司，業務主要在中國，規模好大，但增長力有限，雖然都有投資價值，但有壞賬風險。整體來說，不能對股價增長太有期望，但作為收息股，則無問題。
至於中銀香港(2388)是子公司，業務主要在香港，亦有東南亞地區，由於有獨特地位，同時賺錢能力不錯，因此增長力比3988更好。這企業有質素，但股價就略有波動，因此適合分注投資，長線持有。
不過，銀行業本身風險較高，不宜佔組合2成以上。故你可以儲上述銀行股，但要控制總體注碼。
如果你想買收息股，但又不懂選股的話，可以考慮指數型基金，有分散風險的作用。
GX恒生高股息率（3110），是一個投資收息股的基金，追蹤恆生高股息率指數之表現。
可以視為收息股的組合中其中一員。這基金可投資的，現價合理，可分注。佢是投資香港大型，較穩陣，派息較高的上市公司。
這是不差的收息組合，但增長力不強。
可以上基金網站有介紹的
http://www.globalxetfs.com.hk/funds/hang-seng-high-dividend-yield-etf/
Q40965：
Sir, 3600 現代牙科 買入價7.85，仲值得繼續持有嗎
龔成老師︰
現代牙科（3600）質素中等，幾年前佢架炒作太勁。佢係義齒器材供應商，專注向義齒行業的客戶提供定製義齒。
於美國以Ｍｏｄｅｒｎ Ｄｅｎｔａｌ Ｌａｂｏｒａｔｏｒｉｅｓ ＵＳＡ、於德國以Ｐｅｒｍａｄｅｎｔａｌ ａｎｄ Ｓｅｍｐｅｒｄｅｎｔ、於法國以Ｌａｂｏｃａｓｔ、於比利時、丹麥、荷蘭及西班牙以Ｅｌｙｓｅｅ、於澳洲以ＳｏｕｔｈｅｒｎＣｒｏｓｓ、於中國以洋紫荊及於香港以現代牙科品牌名稱經銷。
佢產品組合包括固定義齒器材，例如牙冠及牙橋；活動義齒器材，例如活動義齒；及其他器材，例如正畸類器材、運動防護口膠及防鼾器。
過往發展不差的，生意都有一定增長，其實不是無質素，但過往股價上升過快，之後先回落翻，現時去翻合理水平。這股不是不可投資，但不建議持有太多。
Q40966：
龔老師，我都要向你報喜，在2018年從朋友介紹我認識你，這時開始我就不斷留意你的facebook，留意你的股票解答，雖然我不是你的股票班學生，好佩服你嘅無私，亦都跟隨你買咗小米股票！
小米股票方面佔據我股票組合約30%，總共投資一百萬元，平均成本價$15樓下，昨日收市價$43.75，帳面上剛剛係賺咗200%（200萬），多謝老師不斷post股票嘅評語，
如果老師賣出小米時，請在facebook通知大家，謝謝
龔成老師︰
恭喜你，記住長線投資回報，必然跟你知識水平成正比，所以要努力提升自己，才有機會承就更多財富。
至於小米(1810)，雖然現價唔平，不過長線佢依然有發展空間，所以我應該唔會減持住。
不過，每個人風險取態不同。如果你風險承受力或者投資經驗不多，可以先沽少少，收回本金，其餘零成本去長線持有，都係有一個可行做法。
Q40967：
龔sir, 我持有27 1000股（均價＄67.7）、1398 5000股（均價＄5.64），我想沽出上述股分，換入1手700, 計畫永遠持有，理據如下：
1, 現價處合理區中間
2, 派息由上市至今皆每年遞增（含紅股）
3, 公司業務穩定，已可歸類為水桶2
想請教你這樣安排合適否？
退休後組合
水桶2
1038 10%
1299 10%
水桶3
3110 35%
0778 15%
2638 15%
6823 15%
未加入700的組合
退休後組合
水桶2
1038 10%
700 5%
1299 5%
水桶3
3110 35%
0778 15%
2638 15%
6823 15%
如加入700, 打算這樣安排
龔成老師︰
你要換碼到0700計劃，係可以，只要你明白3隻股票分別就無問題。
至於退休組合，始終0700業務不確定性係偏高，暫時不宜作為退休組合一員。
當然，到你退休時，可能佢屬性已經有所不同。但現階段，唔建議。
同埋，現時適合退休的股票，到時都未必仲係有質素。所以，你到時都係要再分析，唔洗規劃得過份仔細，最重要係學會當中核心概念。
Q40968：
龔sir. 如果我想入868信義玻璃. 應該點部署呢？.唔該晒。
龔成老師︰
信義玻璃（0868）生產及銷售多種玻璃產品，由汽車玻璃、建築玻璃、浮法玻璃（包括超白光伏玻璃）至其他供裝飾及商業用途的玻璃產品。
以出口量計算，集團自2004年起一直為中國汽車玻璃產品之最大出口商。除玻璃產品外，集團亦生產汽車橡膠及塑膠元件，以及承辦於中國安裝樓宇玻璃幕牆的建築項目。業務有：
（１）汽車玻璃－包括原設備製造（ＯＥＭ）及零部件汽車玻璃及配套汽車橡膠及塑膠元件的銷售。
（２）建築玻璃－包括建築玻璃產品、傢俬玻璃產品及已收幕牆建築項目建築費收入的銷售。
（３）浮法玻璃－製造及銷售浮法玻璃及超白光伏玻璃。
中國市場近年需求放緩，中國玻璃行業近1、2年經歷困難時間，因為玻璃與建築及房地產行業都有關連，相關因素令中國市場浮法玻璃的平均銷售價下降。
因此當中國的地產市道不景，對玻璃行業都有影響。因此，相信這企業在中短期表現會一般，要到中國的建築及地產行業有好轉情況，對佢才會有利。
企業長遠仍有發展的，但短期風險會增加，投資者要留意注碼，控制風險，現時在合理區較下部，這股仍有長線投資的價值，長遠會慢慢好轉。
如果你想買，現價分注慢慢儲就可以。
我之前有出過Youtube影片講佢，你可以睇翻︰
https://www.youtube.com/watch?v=-n_O9gRAmSs
Q40969：
想問收息方法？
1）基金
2）股票掛勾基金
3）國債？美債
4）存款證
風險如何？
要做到每月有4%回報
1百萬本金 如何投資？Thx
龔成老師︰
如果你要4%回報，部份A級債券，如美國國債都可以做到。
若果想高少少，可以選收息股，但風險都會較高。
若想接近零風險，可用定期，但未必長線有4%。
以下有一些收息工具，你可以參考下：
第一，建立一個收息股的組合，目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。
3110可以視為收息股的組合中其中一員。這基金可投資的，現價合理，可分注。佢是投資香港大型，較穩陣，派息較高的上市公司。
這是不差的收息組合，但增長力不強。
第二，投資債券，你可以選擇A評級的債券，年期較長都可以。
第三，投資年金，你可以睇睇，這是適合你的產品，零風險，可以有穩定回報。
第四，你亦可投資銀行低風險類的產品，你可自行到銀行了解下，總之是「低風險，持續現金流」的。
第五，持有現金，除了可做定期外，現金亦可以為你的後盾，以備不時之選。同時，若投資市場大跌，你可以在這時買到更多的收息股，股息率會進一步上升。
Q40970：
呀sir, 錦欣生殖同愛康醫療邊隻值博率較高
龔成老師︰
錦欣生殖（1951）是有風險有潛力類的股，如果承受風險能力不高，就未必適合。佢長遠有增長力。
佢主要係中國及美國，透過合約安排從事經營及管理輔助生殖醫療機構，以提供輔助生殖服務、管理服務，以及輔助醫療服務。
佢的自有輔助生殖醫療機構，包括位於中國的成都西囡婦科醫院及深圳中山泌尿外科醫院，以及位於美國加利福尼亞州的３間ＨＲＣ Ｍｅｄｉｃａｌ手術中心以及ＮｅｘＧｅｎｏｍｉｃｓ ＰＧＳ實驗室。
佢過往的財務數據不差，生意與盈利都有不差的增長。
不過，佢盈利不算多，而且都較波動。現價大致算是合理區，小注投資可以，同時要控制好注碼。
愛康醫療（1789）本身不是無質素的，但過往炒作多，不少時間都貴，加上政策因素影響業務。
佢以「愛康」品牌從事設計、開發、生產及銷售骨科植入物，並專注於髖關節及膝關節置換植入物。
睇翻佢的資料，佢的產品包括用於初次手術的骨關節植入物，以及為置換、修復或升級前次手術的植入物或部件的翻修手術而專門設計的骨關節植入物。都是有前景的業務。
之前貴，睇翻最近情況，自2018年「4＋7帶量採購」開始後，令醫療材料開始降價，降幅基本在50%左右，甚至更高，預計未來3年帶量採購在醫用耗材領域會持續，會常態化，影響佢的賺錢能力，近年業績正反映不利因素。
從長遠發展，這股不是無質素，但中短期仍會較一般，好轉要時間，但始終有不確定性，這股只建議小注投資。
現價和質素計，無話邊隻明顯有較高值搏率。你可以2隻都投資，但緊記要控制注碼。