Q38931：

龔 Sir

9988 & 1299 呢兩隻咩價位入最好

龔成老師：

其實現價仍合理，但你預佢地短期都有機會波動，投資最好分注。

阿里（9988）係業務層面，不是無優勢，不少業務處於都有一定的規模，但近年因監管因素，令企業增長慢左，加上近年競爭大左，影響佢賺錢能力。

長遠仍有增長力，但就要時間才能回勇。其實佢有發展延伸業務，這都會成為企業增長點。

以企業的長期發展計，這股的確優質，但股價都有一定的波動，現價算是合理翻D，但都不是大手時候。

始終之前面對內地監管收緊，因此風險度增加左，不過，相信最差的時期已過，同時見到中國政策開始講話重視平台經濟，都信正慢慢好轉。

其實，就算之前政策影響佢賺錢能力，佢的整體優質度仍在，內地不是不想佢賺錢，只是想規管佢。佢已建立好完善的業務，因此本身是無得輸，只是賺多賺少問題，現時監管多左，點都會影響賺錢能力。

現時合理區中下，回勇要時間，但不是無發展的，長線投資的價值仍在。

友邦保險（1299）不差的，企業有一定的質素，有品牌、有規模，生意雖然做到較大，但仍有增長力，不過就不是高增長，只是平穩增長。

不過盈利就有少少波動，但這都正常，因為保險公司有投資相關收益，所以這亦會令股價略為波動。

前景方面，正面的，佢保持不同市場的發展，利用本身的品牌去加強新市場業務，而長遠的市場仍有增長潛力。

這股有長線投資價值，現價就處合理區中下部，長線持有無問題。

Q38932：

龔成 sir Mara 不是好股票?

龔成老師：

Marathon Digital Holdings Inc (MARA)是一家數字資產技術公司，主要是從事比特幣挖礦業務，現時是全球大比特幣挖礦公司之一。集團以投資比特幣，並長線持有作為目標。

收益主要來自挖礦所得，所以挖礦效率和比特幣升值潛力，成為集團收益的關鍵。

至2024年8月中，集團持有大約25,000粒比特幣。

以往好多人投資對Coinbase(COIN)、MSTR、MARA、RIOT之類，會視之為投資加密貨幣的替代品。但隨著BTC和ETH ETF出現，佢而個替代品架功能，可以算係完結左。

所以，未來時間會睇翻業務上架質素。

業務上，其實都好依賴比特幣表現，而加密貨幣市場本身就好波動，所以集團營業額係有持續增長，但盈利就好不穏定。到近年加密市場開始回暖，集團才能於2023年轉虧為盈。

另外，2024年8月中集團發行3億美元可轉換優先票據，用於購買4,144粒比特幣(即等同於用槓桿投資比特幣)。

故考慮到業務和加密經濟不確定性高，加上開始用槓桿策略，風險度再高左。因此，就算你睇好佢發展，投資都可以，但一定要控制注碼。

Q38933：

老師 想問下9988 已經升到$102 應該賣出 ，還是繼續持有？

龔成老師：

阿里（9988）係業務層面，不是無優勢，不少業務處於都有一定的規模，但近年因監管因素，令企業增長慢左，加上近年競爭大左，影響佢賺錢能力。

因此，只要你持貨不過多，可持有的，但如果貨多，減部分都可以。

阿里長遠仍有增長力，但就要時間才能回勇。其實佢有發展延伸業務，這都會成為企業增長點。

以企業的長期發展計，這股的確優質，但股價都有一定的波動，現價算是合理翻D，但都不是大手時候。

始終之前面對內地監管收緊，因此風險度增加左，不過，相信最差的時期已過，同時見到中國政策開始講話重視平台經濟，都信正慢慢好轉。

其實，就算之前政策影響佢賺錢能力，佢的整體優質度仍在，內地不是不想佢賺錢，只是想規管佢。佢已建立好完善的業務，因此本身是無得輸，只是賺多賺少問題，現時監管多左，點都會影響賺錢能力。

當然，全面回勇要時間，但不是無發展的，長線投資的價值仍在。

Q38934：

你好，老師，想問下，如果有20萬，買建行收息好，還是做定期好？🙏

龔成老師：

首先要考慮你自己的風險承受能力及投資目標。

定期無風險，但息較少，同時之後定期息會再跌。

建行（0939）較高息，但股價會波動。

所以，要考慮你自己情況，其實，你可以建立一個組合，而不是2選1。

另外，就算投資收息股，也不建議只買一隻，最好建立一個組合，風險能減少。

建行（0939）是不差的收息股，可投資，現價合理。

Q38935：

請問以目前的市況如何運用六萬港幣投資？

謝謝

龔成老師：

你預短期大市會波動，所以，不要一次過買入，可以分注買，暫時只動用部分先，例如$20000。

你可以考慮一些平穩增值股，指數基金由於是一個組合，因此在平衡風險方面較好，如果美股，可考慮追蹤標普500指數的（VOO）、追蹤富時全球股市指數（VT）。如果港股，則追蹤港股的盈富（2800）。

另外再加其他個股：港股如中銀（2388）、港鐵（0066）、港交所（0388）、長建（1038）等，你可以了解下，並從中選股。

Q38936：

晚安龔Sir，請問港股104，2158，2131的現價投資價值🤔🙏

龔成老師：

冠亞商業集團（0104）主要從事鐘表貿易、零售以及物業租賃，投資價值只是一般。

佢主要經營地仍在中國，「冠亞名表城」為首個於中國開設由外商經營鐘表零售連鎖店。從過往的業績分析，只是一般。而最近的業績好翻，會有利好作用，但這股未質始終都只是一般，因此就算投資，都不建議太大注。

醫渡科技（2158）是有風險有潛力類。

提供基於大數據和人工智能（AI）技術的醫療解決方案。集團主要向醫療行業的主要參與者（如醫院、製藥、生物技術及醫療設備公司、研究機構、保險公司、醫生和患者以及監管機構及政策制定者）提供服務和合作。

但佢依然係在燒銀紙狀態，係一個扣分架地方。整體都算不過不失，但要注意風險，投資時唔建議大注。

之前貴，現價只是合理區較下部的範圍，同時業務風險高，不能太大注，小注投資都可以的。

雲想科技（2131）有危有機類。

佢係中國的短視頻營銷解決方案供應商，以及集中於泛娛樂的線上內容服務供應商。

佢是有風險，有潛力的類別，這類股不是不可投資，但要明白股價波動，同時小注投資好了。

Q38937：

龔sir早晨😊4273 係咪值得買？本人想穩定收息又保本😄😄係咪自由巿場可以買？謝謝☺️

龔成老師：

可以。

政府錄債（4273）對於低風險投資者，可視為一個3年定期的替代品，作為收息工具，其實買得過。

但如果你追求賺差價，想增值，想短炒，就不建議。

如果目標為收息，其實不用太在意錄債少少價格的上落，重點是持有並收到至到期。

但有一點你要留意，現時市場價高過$100，而你到期收到的數目是$100。當然，同時會收到當中的利息。

Q38938：

龔sir好，請問核能股值得買嗎？

龔成老師︰

電力關乎一個地方發展，而且大部份地區電力需求都係向上。

再加上，近年碳中和議題，多個國家都著力發展綠色能源。但可再生能源，始終供電不確定高，故核電相信會填補部份傳統能源和可再生能源之間的缺口。

不過，電力始終都係民生業務，一般會唔好賺錢。而且，都要分析個別電力公司狀況，唔係核電股，就代表一定有投資價值。

Q38939：

老師，如果已經冇乜平貨既時候 適唔適合暫時月供美債ETF例如BIL做平衡配置 等股市大跌先轉入優質股

龔成老師︰

先講月供，簡單來說，月供股票就是你每月將現金，買入某一隻或多隻股票，慢慢咁樣儲貨。月供股票每月投入的金額相同，因此當股價上升時，買入的股數自然減少，而當股價下跌時，就自然會買入較多股數，如同自行調節一樣，去減低價格波動的風險。

除非去到貴，或者長線質素弱左先會減或停供。但只要在合理區和平宜區，我地都可以照月供優質的股票。

不過，如果你想增值，長線建議集中部署係優質股，而非債券類項目。

同埋更重要，係唔好估走勢(而個係好多散戶長線輸錢架原因)。真正投資，只會用質素和平貴度去做決定。現時好多優質股依然係合理區，係適合月供的水平。

Q38940：

老師，之前$242平均價買左共11手港交所388，已經分別係$250及$255.8賣哂，但一賣完就狂升。

想問$320再買入再有多少上升空間呢？還是待佢下調再入呢？有勞老師指點🙏🏻

龔成老師：

不建議你太集中短期股價情況，最重要是長線投資。

散戶永遠都是賺得少，就是因為股價升少少就賣，其實，長線才是王道！

現時港交所（0388）仍合理，但你要有心理準備，短期股價會波動，現時買入，一定要平常心面對股價，長線持有。

你可以考慮現價小注買入，如果回落再加，不要一次過買入太多。