Q47181：
阿Sir 你好，我係之前想報你財經班，但因為要移民夾唔岩時間，所以冇報到，希望日後有機會上阿Sir堂
阿Sir，有啲嘢想問吓你意見
我來咗新西蘭兩個月，我而家仲搵緊工，搵工有啲難，有啲吃力，明明我只係一般般的文職，
我10月就會40歲，我而家手頭上嘅儲蓄有17萬，自己冇做其他投資，17萬放咗喺銀行，我而家租屋連生活費，每個月大約要用一萬蚊，我諗緊攞12萬去買股票， 諗緊入VOO 或盈富基金好唔好？
我唔會大手買，可能每個月買兩三千蚊，你覺得點呢？
而家喺25,000至26,000點徘徊，
阿Sir就我我個案，可否請教你寶貴意見？
好感謝你
龔成老師︰
由於你當到新地方，加上工作未穏，手上資金又不多，故不建議投資，應先留來應付生活。
簡單來說，「閒錢」才會投資。
到你將來有穏定收入，每月有一定儲蓄，同時有最少半年生活費作應急，才好開始投資。
你要明白我地投資股票，其實等同投資一間企業。希望透過其自然增長，以達至財富增值的目的。
所以，我地投資一定係長線，而唔係短期炒賣，去賺差價。由於係長線計劃，你唔好預期佢對你短期財務上，會有任何幫助。
Q47182：
2638 同836,那個較好？
龔成老師：
如果你追求收息及增長，就836，如果想穩陣D收息就2638。
港燈（2638）是不錯的收息股，港燈電力投資有限公司是一家縱向式電力公用事業機構，旗下香港電燈自1889年成立，為香港島及南丫島唯一電力供應商，業務包括為其發電、輸電、配電及供電。
佢業務穩定、派息穩定，同時港燈會因資本投資，令之後的盈利增加。即是說，過幾年派息就可以慢慢增加，近年減息週期，都利好這股。
長線投資的話，就可以買這股，但最好都是以分注作投資，現價在合理區中上，都可分注。
Q47183：
老師，巴郡手持幾千億美元现金一直不入市，有什麼啓示？
龔成老師：
反映佢認為現時無特別吸引的投資機會，不過都要留意，佢現時仍持有好多股票，股票比現金多，只是近年現金比例比過往高左，相信是等機會，但佢近年不是無買貨，例如GOOG。
Q47184：
老師，請問intel現價是否已經太貴？
龔成老師：
比起股價上升左是否貴，你更重要確定，企業發展是否已經正面，如果是正面，走出最壞時期，就未貴，但如果仍有機會弱，就算股價回翻也不吸引。
Intel Corp英特爾公司（INTC）近年發展較一般，企業過往擁有的強大優勢有所減少，同時增長力比過往年代減少。
不過，最近英偉達入股，令佢加翻分。整體來說，不過不失，不建議持貨太多。
這企業從事產品和技術的設計和製造，包括數據中心部門（DCG）、物聯網部門（IOTG）、Mobileye部門、可編程解決方案部門（PSG）。
這企業領導半導體行業幾十年，但在最近幾年開始面對更大的競爭，技術優勢也減弱了，因為來自台積電等的競爭對手，不斷有新晶片推出市場，人工智能的高性能微處理器又面對英偉達的競爭。
這企業正大力投資在技術層面，期望能保持企業過往擁有的優勢。
企業不是完全無技術，不過賺錢能力會比過往略少，同時短期情況未必強，由於面對的競爭比過往加大，企業不確定性會增加。投資只宜小注進行，同時要觀察企業行業的發展。
當然，最近英偉達入股，佢的情況會不同，相信有機會好轉，但就要控制好注碼，由於發展仍有不確定性，暫時只宜小注。
Q47185：
老師請問77O9.XL二南方海力士可入市嗎？可否分析一下。
龔成老師：
南方東英SK海力士每日槓桿(2x)產品(7709)，投資目標是提供 SK海力士(韓交所：000660)每日表現的兩倍 (2x) 投資回報。
SK海力士(韓交所：000660)本身，是一家韓國半導體公司，全球第二大記憶體晶片供應商，主要產品包括DRAM和NAND 快閃記憶體。
此股有投資價值，不過佢係屬於潛力股，即係風險度高架股票，故會較波動，本身不宜大注。
而7709因為有槓桿，令佢本身已經高架風險，再進一步倍大，所以不太建議以此作為投資目標。若睇好，應選擇分注買無槓桿的正股。
Q47186：
成兄, 你認為今年恒指會不會有機會升到三萬點, 謝謝
龔成老師：
如果戰事無對經濟有太大影響，而美國及中國經濟大致向好，就有機會。
Q47187：
老師我想學習吓，例如用700計算，今天個價HKD479.2，而市盈率17.41,係咪用479.2/17.41=27.5年才回本呀？還有你市盈率有兩個，一個市盈率(Tmm),一個市盈率(靜)應該有哪一個才對呀，請老師指導，謝謝
龔成老師：
並不是。
市盈率=股價÷每股盈利
17.41=479.2÷27.5
27.5是每股盈利
而市盈率17.41倍，就是假設騰訊每一年都賺到$27.5的每股盈利，作為投資者，可以理解要17.41就能回本。
而Tmm是動態，即是最新4個季度數據計，而靜態則是上年度的全年數據計，兩個都會睇。
Q47188：
老師早晨，小米跌破$30，回購都幫唔到股價，是不是市場對小米失去咗信心？
龔成老師：
回購只是短期因素，而你所講的市場信心，也不是核心分析因素。
我地最重要睇小米自己的業務，業務好轉自然有信心。
小米（1810）你預佢短期仍會較一般，因為佢之前升太多，加上品牌轉弱及近期汽車多事故，要建立品牌不是短期，要比時間佢，再加上成本上升令賺錢能力受壓，都是不利因素。
但佢長遠發展仍是正常，不過可能要比多少少間佢。你見佢過往造車，3年時間可以由零開始成功，反映企業發展強，現時面對較弱的環境，但可以好轉。
如果用較長遠眼光分析，其實小米近年的業務發展唔算差，無論手機、ＩｏＴ、智能車，各類業務部分，都有相當的增長，除了反映不同類別的業務都發展理想外，相信小米的品牌及產品性價比高等因素，能帶動整間企業發展。只是在近半年，業務有點轉弱，只核心質素仍在。
不過，你預佢股價上落大d，如果明白風險，而你貨不是過多，可持有的。
Q47189：
請問有冇高息既黃金etf ?
龔成老師：
一般來說，黃金本身並非生息資產，因此絕大多數直接追蹤金價的實物黃金 ETF（如港股的 2840、3081 或美股的 GLD、IAU）是不會派發股息的。
如果您追求「高息」且想與黃金掛鉤，市場上主要有兩類替代方案，但它們的風險性質與純黃金 ETF 截然不同：
黃金掩護性買權 ETF (Covered Call Gold ETFs)，這類 ETF（例如美股的 GLDI ）透過持有黃金並同時賣出買權 (Covered Call) 來賺取權利金。
優點：即使金價橫行，也能透過權利金獲得穩定派息，息率通常比一般股票高。
缺點：如果金價大幅飆升，這類 ETF 的升幅會被「封頂」，無法完全享受金價大漲的回報。
Q47190：
270粵海可以長揸收息嗎
龔成老師：
粵海投資（0270）是收息及平穩增長型股票。可長線收息。
這企業由多個業務部分組成，水資源部分，也是供香港東江水部分，再加上有其他的業務：物業投資及發展、百貨營運、水務、發電、酒店經營及管理、道路及橋樑項目。
其中水資源佔比較大，也是較賺錢的部分，而這部分的業務規模近年有擴大。
這股可視為一隻收息及平穩增長股，現價合理區中間，可長線投資，只要貨不過多就無問題。