Q26331：

我係你學生，想問問你有冇見到國內好似開始一種惡性循環

就係國家係甘降準放水，但D水又好似因為打擊都監管問題而唔流入個投資市場，最後搞到好似狼來了甘,就算呀爺再降準放水都好，個市都係唔會升甘

龔成老師︰

如果你記得在初班第一堂我講過有關股市的上升原理就明白。

短期股價的上落可以因爲市場情緒，資金流向，買賣供求又或者無原因的上落；但長期會回歸企業價值，

因此，國家是否「降準放水」，資金是否「流入投資市場」都只是短期因素，並不是投資者要考慮的因素。

中短期救市政策，未必會見到明顯成效。但大市總有變好的一天，當市場回歸正常，股價就會回到企業質素上。

你應該將多些將注意力放於企業的前景，賺錢的能力上，長遠對財富的增值有幫助。

Q26332：

老師，想請教你一下，我朋友買了隻2018 瑞聲科技，一年前入了2000 股，由$57跌到現價。應該沽嗎？

另外，1211如果想入，幾多錢位合理低位？

謝謝你

龔成老師︰

我地決定是否投資一隻股票，關鍵位係睇企業質素和前景。中短期因素，我地係唔需要太在意。

瑞聲科技（2018）之前業績較弱，但長遠不是無質素的，本身有一定的規模與技術，長遠發展正面，不過，佢增長力不是好強，只能視為平穩增長類別。

如果你朋友貨不多可以守，但如果太多，就要適量減持小小。

比亞迪（1211）係潛力股，電池技術發展得很好，行業前景良好，企業長遠發展正面。

但這股經常都處略貴水平，股價上落大，而且好難回到平宜區，建議你在合理水平就要儲貨。

現價約在合理區頂至少少貴，月供比較合適，如果真的無貨又好想買，可等回多少少分注。

又或者可考慮GX中國電車（2845），這基金的目標是追蹤Solactive中國電動車指數NTR「相關指數」表現緊密相關的投資回報。

Q26333：

聽完你講解 分注買入真係好重要 唔可以一注獨贏

700/3690/388 現在算是便宜區嗎

龔成老師︰

「分注」可以幫助將價格平均，避免一次過高位入貨，是一個很好用的投資策略。投資不是「估頂」，「摸底」，而是一個有系統，有計劃，有紀律去執行的過程。

騰訊（0700）有潛力，但因爲政策監管，中短期較弱，現時處於合理區中間以下區域，如果無貨，可以先入首注。

美團點評(3690)有潛力，但因爲監管及不確定性高，估值相對難，現時算是合理區中至中下。此股不確定性大，要控制注碼，。

港交所（0388)是一隻優質的股票，獨市生意，加上香港的金融中心角色，這企業有長線投資價值，現價合理區中至中下。

現時大市只在合理區，資金唔好盡用。最好留有部份，等大跌市出現時，可以用來掃貨。

Q26334：

你好呀！龔成老師！

一直都有follow 老師既分享！

真係對股市知識增長不少！

本人現在有這些股票在手，本人40歲，月入不穩定，最近重停緊業，而D股票日日都向下，請老師比D意見

小米 5000股@21

耐世特 3000股 @4.5

煤氣40000股 @10.5

阿里巴巴 200股 @136

龔成老師︰

多謝支持！

如果你現時待業中，建議最好留現金作為防守之用，等你有穩定的收入才考慮投資，在理財分配上，我地應該「先防守，後進攻」比較合適。

至於現有持股，我地就睇佢長線投資價值，而非睇佢中短期股價升跌。只要有質素，照持有就可以。

小米（1810）有潛力的，佢的產品性價比高，先賣手機再賣家電，長遠正面，可以持有。

耐世特（1316）本質中等，之前業績有點弱，但又唔算好差。

現價合理區中至中下，但就未必值得投資太多，因為質素始終不強，你預佢增長力之會係一般。

煤氣（0003）取消派紅股，有可能反映管理層認為，企業往後的增長減慢，會對企業有少少不利，但長遠仍有發展，現價合理。

阿里(9988)是優質股，但因爲政策的風險，中短期會較弱，有貨可以長線。

你的組合中，煤氣（0003）佔比有8成，過多，有集中的風險，建議分階段減持部分，將比例維持在15%左右比較合適；

建議你減持部份，換至其他優質股。如果你預工作都係較不穏定，部份套現資金，可以先保留作應急之用。

小米（1810）是潛力股，有風險，比例都開始多，現貨可以持有，但就不要加注。

另外，你股票的數目偏少，長遠維持在8-10隻能有效分散風險。以你40歲年紀，可投資「平穏增長股」和「潛力股」。

如果你現時無太多投資經驗和知識，潛力股這類風險較高的股票，你就不要持有過多，最多維持2 成好了，甚至先集中係平穏增長股類。

若你有一定投資知識﹐潛力股比重可以相應調高，佔組合約4成，視乎你投資知識多寡和了解這些股票程度而定。

現時大市只在合理區，資金唔好盡用。最好留有部份，等大跌市出現時，可以用來掃貨。

Q26335：

課程會想報呀 不過我諗最好睇左你既書籍 有相關知識先好試你既堂

如果吾係聽吾明

另外就係想問下 點為知底位入， 因為真係吾知幾時底 轉合眼又會升番 …就好似當我想買既時候往往就比之前高

例如領展 同TSAL 都上升番

吾知應唔應該買 定等佢底番小小先入手？

謝戲老師解答

龔成老師︰

你唔一定要睇左書先可以上堂，其實課程由前入深，【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

書本上，你可以睇我寫架《80後千萬富翁》、《財務自由行》和《股票勝經》，會令課堂較易吸收。但唔係一定睇左，上堂先明，因為課程設計係比新手和初階投資者上的。

好多散戶都想「摸底」，其實是錯誤的，我地無「神燈」，只能夠透過策略將回報提升至最高。

對於初學者，往往未能掌握平貴的技巧，所以，月供是最好累積資產的方法。

領展（0823），TESLA都是優質的股票，其中TESLA是潛力股，波動性大，投資的時候要控制注碼。

現時兩者都處於合理的水平，如果手上無貨，可以先小注；而TESL最好等回多小小先投資，現價是合理區頂位。

Q26336：

sir,如狠心止蝕，它卻大幅反彈，該怎樣？

龔成老師：

的確有這個可能，短期股價好難預測，但長期股價回歸企業價值，因此，我地只能從企業長遠發展分析，如果長遠業務質素不佳，就應賣出。

Q26337：

阿sir我終於最近做到睇大市但少睇股價，只睇開市同收市，其他時間不如用黎搵錢睇書睇業績，不過無咩現金lu，覺得好慘，價值投資真的知易行難呢

去到依個位我覺得你果句慢慢用現金係至理名言，而係我今次做唔到既野，真係去到個位置先明你真係講d咩，不過去到要比心態既位啦，祝我們好運。

龔成老師：

你的方向正確，之後要做的，就是堅持這樣做，投資能致富的人並不多，因為無乜人肯堅持。加油！

Q26338：

謝謝龔sir指導，會嚴密監控洗錢習慣

我以前試過揀係邊間股票行開股票戶口都考慮成年幾(因為唔識揀)，我而家用緊SoFi(即係以前嘅8仔)嚟買賣美股，但我覺得好似係尐有門市實體店嘅股票行做月供會穩陣，

不過唔想係銀行開股票戶口(因為好似手續費/其他費用較高)，龔sir有無邊間股票行推介？

另外想請問，我有1位小朋友，我好想幫佢用佢尐利是錢買定股票(當然係用我/太太名義戶口)，應該買邊隻好？

全買盈富？都應該算超長線投資

龔成老師︰

無特別介紹，我自己都係用銀行，因為其實每年做交易動作唔多，實際費用比例唔算高，所以我覺得無乜所謂。

至於小朋友由於可投資時間長，策略上十分簡單。你可以儲指數基金。

若你想增長力較高，可以儲安碩恒生科技(3067)。但此股波動性會較大，要睇翻你自已風險承受能力。

基本上，以你小朋友年紀計，持有以上股票都係可以，但你明白當中風險。

另外，你可以考慮埋美股指數ETF，令組合分散風險能力更高。VOO和QQQ，前者追蹤標普500，算平穏增長型，類似盈富。QQQ追蹤納斯達克100指數，風險會較高，風險度近似3067。

Q26339：

呢排我有想買樓嘅念頭，唔知阿sir點睇香港未來嘅樓市？

因為我買都係自住，有留意沙田果邊嘅舊居屋，價錢比較合理同埋地方四正見洗啲。以第一城站正隔離嘅愉田苑為例，38年樓，400中呎數係自由市場只叫緊630萬左右，好吸引。

但呢類舊居屋如果過幾年想換樓時會唔會有價冇市好難轉手？ 香港未來樓市會否動蕩？

龔成老師︰

香港樓市，中短期會有少少上落（但不會大跌），長遠會向上。

首先要睇經濟基本面，如果經濟持續地差，失業率上升，樓市終會向下，這會對樓市有中期性的影響，不過，就算跌，都不會大跌，最多只是小跌，如果經濟差的情況不是太大，甚至不跌，這是由於背後的需求大。

在長遠計，我仍相信樓市在長遠計，因供求關係，仍是向上多。

樓市始終需求大，我見唔少適婚年齡的朋友，都正等機會買樓，但未買樓，這些是「潛在需求」，過往每年不斷累積，只要樓市跌少少，就會有需求走出來，這令樓市不能大跌。

另外，樓市另一作用是「投資」，現時的租金無大跌情況，以投資回報率的角度分析，樓價都不會大跌，因此樓市平穩。

當然，政府及中央現時有較大決心處理好樓市問題，我相信會令之後的供應增加（不是中短期，要長期才慢慢見到），因此，樓市不會大升，但相信都較難大跌（始終需求大）。

長遠計，樓價會平穩，有少少向上，但不是倍升，不會好似過往般倍升，而是平穩向上。

因此，香港樓作為自住的價值仍在，長遠樓價平穩及有少少向上。但投資價值，就只是一般，未見好吸引的水平。

其實你自住的話，最緊要佢符合你未來10-20年生活需要，同時有信心長線"供得起"，咁就可以。

如果你計劃未來短時間又換樓的話，由於佢樓齡都唔算細，會打左少少折扣。而且，香港買賣物業成本都唔細，如果你真係較短期就換的話，可以考慮租樓先。

Q26340：

謝謝龔sir,另外仲想問埋3738阜博

呢3隻(0136, 2170)都買左 蝕緊,應唔應該斬左佢

龔成老師︰

你要明白一個概念，我地持有一隻股票與否，關鍵位是企業質素、前景，不要被買入價影響。因為我地買股票就是買企業。

如果企業質素轉差，就要賣出。如果企業某些核心優勢減少左，就有機會減持，因此，我地要分析企業的核心因素，一些長期的賺錢能力，有無改變。

貝康醫療（2170）和中國儒意（0136）不確定性高，投資可以，但不可大注。

阜博集團（3738）是較高風險類。

業務是線上視頻內容保護服務供應商，客戶包括七大全球電影公司、電視網絡公司及其他內容擁有者。

過往一直虧損，近年開始有錢賺，業務增長加快，不過，本身的獨特性不是好強，規模未算好大，因此，未見佢有好確定的優勢。

潛力度有的，不過就存有較有不確定性，這類股只適合小注投資。