Q38891：

龔sir，請問一下：本身沒有投資經驗，因一時貪心兼且道聽途說，無任何分析就跟風買了股票，導致最後虧本離場。請問如何增加自己的投資知識？

請賜教，感謝感謝

龔成老師︰

其實唔少散戶，都有你而個情況，睇睇消息，甚至聽個number就去買，最終導致輸錢收場

我地投資一隻股票，其實等同於投資一間公司。我地一定要知佢點賺錢、財務狀況、市場度有乜野優勢等等，去到做投資決定。

如果想提升知識，我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《80後千萬富翁》和《財務自由行》，都適合初學者。

我Youtube Channel都會不時分享一些投資技巧和知識，你都可以睇下。

https://www.youtube.com/@user-rw4st4yg5v

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

Q38892：

就好似我呢個估值，點知合唔合理？因為股票都有大行報告參考下，而樓市都最多都系中原指數？

龔成老師︰

其實估值邏輯，有少少可以參照股票估值方法去調整︰

1) 比較︰

> 係做估值架時候，除左睇大行報告，我地都會同同業比較，去判斷個合理PE值。買物業都類近，可以參考同區類近物業圦做估值調整。

2) 展望︰

> 同投資企業一樣，估值唔係單睇而一刻，而係睇長線。所以，我地會再加入一些未來架因素(例如息口預期、市場需求等)，去調整估值。

3) 個人風險承受力︰

> 除左基本架判斷外，可以因應個人風險承受力，去調整。就好似你咁，係估值度再打折。

4) 最終評估︰

> 股票分析架時候，如果發現同大部份大行估算或者市場睇法，有明顯落差。咁就有可能係我地做估計架時候，有D因素睇漏左，或者過份放大左。咁我地就要再審視一次，有需要就調整。如果堅信係自己正確，就用翻原來估值(但最好再微調，去反應翻同市場看法明顯不同的潛在風險)。

5) 中原指數︰

> 佢係有參考價值，但始終唔可以完全代表晒所有物業，所以點都要用同區和類近的物業，去做最終評估。

6) 你的估值

> 大致合理，雖然香港樓基本面一般，但始終未來息口向下機會較大，所以打8折已經係暫時架極限。

> 我唔肯定你係用來投資定自住，如果投資，暫時值博率都係一般。如果自住，其實重點應該放翻係"供款能力"同埋"是否合適自己長線生活"而2點。

Q38893：

龔sir你好

我係一個澳門人，今年41歲 男 兩個小朋友

有一套房屋 自住 市價大約一千萬 欠貸款350 月供25000

另外有一套2018購買的$530萬 現在市價大約400萬 收租$9000 月供$24000

現在兩公婆大約月薪$52,000一個月, 疫情前$120,000一個月, 現在現金剩餘100萬左右

疫情後收入大減加上樓市下跌, 請問現在有什麼方案？可以比較合適？

選擇一 現在自住的物業，我可以換細啲換平啲可以買市值$700萬左右嘅樓宇

選擇二 賣掉收租嗰個單位 ？只係唔使供樓 還有可能要貼20至30萬

選擇三 全部賣晒佢 租樓住大約$15,000 , 現金大約有750萬左右

還是繼續頂硬上 每個月貼現金流三萬蚊左右

薪金暫時冇可能會上升返

或者龔sir還有什麼方法？或者工具可以使用？謝謝。

龔成老師︰

首先從財富組合平衡性角度，你現時的資產比較集中於物業，會有過度集中的風險，長遠要建立一個更爲平衡的配置，加入更多其他不同類資產去平衡。

自住物業不建議賣出（換樓，或者已經不適合長住除外），因爲長遠你有住屋的需求，同時有家庭，持有物業至少令到你的生活會較爲安定。因此，選擇三不太建議。

選擇一和二可以考慮，換入較細的自住樓，好處是你的供款額會下降，壓力會減少。但壞處是你的生活條件下降了，但如果你的家人可以接受，同時換樓後，仍然能夠滿足未來10-20年的住屋需求的話，可以考慮。

至於你的投資物業，長遠澳門的樓市只會平穩。但現時你持有的收租物業產生負現金流較多，在投資的角度而言，顯然不理想。

除非你可以加租，以改善現金流的情況；或者等樓市回穩，有合適的價錢的時候賣出，轉換到其他投資回報更高的工具。

但考慮到你們現時收入(幾乎等同2個物業供款金額)、未來樓價走向、同埋你財富組合平衡性，我相信選擇二會較可取。

長遠來講，你可以考慮投資股票，股票的好處是長線增值相信比澳門物業快，變現能力高。當然投資前，一定要有知識。

書本上，你可以睇我寫的新作《圖解股票小百科》以及《80後千萬富翁》、《財務自由行》，都適合初學者。

我YOUTUBE CHANNEL都會不時分享一些投資技巧和知識，你都可以睇下。

http://www.youtube.com/@user-rw4st4yg5v

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

Q38894：

Hello,龔sir,而家有咩股值得投資又在低位或合理價錢？港交所低位嗎

小米賺左33%,放定長期月供？

而家個價位會否太高如果月供的話

龔成老師︰

其實仲係低位架，已經唔係好多，中生(1177)係其中一隻，遲少少會出Youtube影片講。但始終佢風險度偏高，不宜太注。

而合理區的(港股會偏向合理區中至中下，美股偏向中上至頂部水平)，有下面這些，適合年青至中年人士。

平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。

如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。

至於小米(1810)，我自己會長線持有，未沽過。因為預期仲有一定發展空間，不過中短期股價依然會波動。

如果你貨好多，又想保守D，可以沽少少。否則，長線持有會較好。至於月供，小米(1810)依然可以。

Q38895：

以下是我組合

想問我這些股票哪些應該止蝕

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。因為我地買股票就是買企業。

如果企業質素轉差，就要賣出。如果企業某些核心優勢減少左，就有機會減持，因此，我地要分析企業的核心因素，一些長期的賺錢能力，有無改變。

其實你手上架股票，都係有長線投資價值。除左金沙(1928)近年弱左，長線不宜持有太多。

不過，你現時有3個較明顯架問題。

1) 不少股票買得貴，這個是你不懂估值造成。如果唔識估計，建議用分注或月供去儲貨。雖然無直接跟平貴度入貨咁賺錢，但可以平衡買貴貨風險。

2) 太多潛力股，我當你係年青人，又有一定投資知識，但潛力股都不宜佔組合一半以上。建議你未來時間，加入多D平穏增長股平衡。

平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。

3) 你現時組合明顯偏重晒係港股，建議你未來加入一些美股，令整個組合變得更平衡。

但要留意，個別地區不建議超過組合的7成，如果不懂選股的話，可以考慮加入(VOO)，作用類似盈富（2800）。

Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。

由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。

4) 保持學習︰我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《80後千萬富翁》和《財務自由行》，都適合初學者。

我Youtube Channel都會不時分享一些投資技巧和知識，你都可以睇下。

https://www.youtube.com/@user-rw4st4yg5v

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

Q38896：

阿sir, 高端醫保有冇研究或者介紹？

網上搜尋資料， top three係Cigna,bupa, Axa。

我自己暫時考慮緊top two。

但兩間公司都各有負評，網上又多打手，真係好難分析。

龔成老師︰

而3間，都係具規模架公司。

其實醫保產品，好多都類近，但各自都有D細節位、保障額之類架差別。

我自己無仔細研究市場上架保險計劃，建議你找個信得過架Agent，由佢推介你。

Q38897：

請問老師，700，3690 及9988呢三隻裏面，邊隻依家入，博弈率 高d?謝謝

龔成老師：

700會較穩健。

如果想增長力高D承受風險高D，就3690。

不過要留意，大市波動，應該以分注投資作策略。

Q38898：

龔老師好，很久沒有聯絡你了

近呢兩年在調整心態

期望你生活愉快！

我本身有小米(1810)同吉利(175) 在我來說他們是同一個板塊，而家兩隻都終於上岸可獲利，

請問是不是只需保留其中一隻在我的投資組合？還是兩隻都可以保留。

龔成老師：

近年小米（1810）發展得幾好，可留。

至於吉利（0175）過往質素不差，但近年增長力有所減弱，以及賺錢能力都有所減弱。這股你可考慮減持。

近年受新能源車市場影響，令賺錢能力受到影響，其實這企業已經加快轉型，近年年報也有提及「本集團以新能源轉型作為經營重點，大幅加快新能源轉型步伐。」

中長期來說，要新能源車有較理想的銷量，同時當中的毛利率要明顯提高，才能帶動這企業全面回勇。

其實，吉利這刻的情況又不是太差，新能源汽車銷量增長中，但由於吉利新能源汽車毛利率大幅弱於燃油車，令整體的毛利率於下滑。因此，吉利要回勇，除了保持銷量增長，以搶佔市場外，提高賺錢能力同樣重要。

整體來說，這企業並不是無質素，但短期仍會較一般，至於中期期能否好轉，就要睇上述所講的因素。

Q38899：

小米幾時會到30😅

龔成老師：

不要太急，始終近1年由$10上到$20，已經比好多股表現好。佢要業務進一步向上，先可以上到，相信中長期可以的。

Q38900：

老師，美團204買，現價放，還是再買入溝貨，宜家溝會唔會遲？

龔成老師：

這股可長線，如果你持貨數目合理，可持有。

除非你資金較多及好少貨，才加注，否則不用加，避勉太過集中。

提醒翻你一些投資概念，我地決定加注與否，要睇幾個因素，記住，並不是「拉低平均買入價」為目的。

第一，要分析這股的質素，如果無質素，就再跌都唔加。

第二，這股的類別，如潛力或增長或收息類等，是否與你的財富組合匹配，比例是否適合。

第三，你要先計算加注後，這股佔你股票組合的比例會否太多，因為同一行業，同一股票。不能佔股票組合的比例太多。

第四，現價是否有投資價值率，要平，或起碼合理，不能貴。

第五，你要在加注後，仍有現金剩。

記住，重點不是「拉低平均價」，而是組合比例與配置。

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。