Q38661：

龔老師，你好，想請教下有關投資既方向

本人33歲，月供緊一層樓，大約係人工既3分1，

而另外3分1分別月供緊兩隻收息股，分別係匯豐0005 及中銀3988以及加密貨幣Eth Bitcoin，

餘下3分1 就係日常開支及儲蓄（以備不時之需）

首先想請教下正確既投資資產分佈應該如何，係一個適當水平風險及健康既投資組合入便，應如何分配各個範疇，又或者咁問，會否應該只集中3隻股票去作投資？

另外不時都聽到你推介美股及ETF，又應該如何分配落去？還是應該留低大筆彈藥，等待時機再分注入市呢？

謝謝龔老師！ 萬分感激！

龔成老師︰

首先，我地投資除左要嚴選優質股之外，仲要講求平衡性，同埋是否配合自己人生階段、投資經驗/取態等因素，去做個綜合決定。

我地一定唔會只集中3隻股票，因為再優質架股票，都有機會出問題。如果你得3隻，只要其中一隻出大問題，你組合已經會有巨大影響。

個別地區，不要高於組合70%。而個別企業和行業，不要佔組合15%和30%以上，銀行業更加不要高於組合20%，否則會有過度集中性風險。(盈富和VOO這些指數ETF，由於係一籃子組合，故不受企業和行業限制。)

在創建組合初期，組合金額較少，出現超標都係可以接受。但長線你要參照這指標，去維持組合的平衡性，才算理想。

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你現時33歲去計，應以增值為主。策略上，你可以投資「平穏增長股」和「潛力股」。

你現時投資的0005和3988有質素，但只收息股，增長力不高，故不建議作為投資目標。而且，2隻都係銀行股，一方面如上述所講，只投資2隻太危險，同時犯了集中單一行業的問題。

由於你係初學者，用月供係較好方法，可以平衡你買貴貨架風險。你每月5成投資用的資金做月供，其餘先儲起，用一邊月供一邊儲蓄的策略。

選股上，你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。

如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。

但潛力股風險較高，對投資知識要求較嚴格，所以你可以先集中在平穏增長股上，甚至先集中供盈富(2800)和VOO這類指數ETF。到你投資知識有所提升後，才慢慢加入潛力股到組合之中。

餘下的另一半現金，我地就等機會，當大市出現較大回調，就加大力度掃貨，然後作長線投資。

你要明白上述月供方法雖然能幫助初學者在知識不多情況下，進行有限度的財富增值。但如果你想財富增值能力進一步提升，就必需加強投資知識，提升選股分析和估值能力。令你可以做到因應市況平貴，自行制定入市策略。

因此，我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《80後千萬富翁》和《財務自由行》，都適合初學者。

我Youtube Channel都會不時分享一些投資技巧和知識，你都可以睇下。

https://www.youtube.com/@user-rw4st4yg5v

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

Q38662：

龔sir 迪士尼風險高嗎？

龔成老師：

受媒體業務影響，業務波動性比過往大左，但仍是有質素，可投資的，不過就要控制好注碼。

迪士尼（DIS）是一家綜合娛樂公司，有投資價值。其業務包括媒體網絡、公園體驗和產品、影視娛樂等，有很強的品牌效應，不過近年增長力一般。

由於媒體業務仍處於發展階段，賺錢能力未算強，真正的收成期仍要較遲才會出現，加上這企業會受全球經濟因素影響，相信短期的表現也較一般。

其實，迪士尼近年業務並不是無增長，營業額都有基本增長力，但不算強，而較大問題各方開支增加，令盈利表現較一般。

針對開支，管理層已在2023年開始大規模裁員計劃，包括ESPN、迧士尼娛樂部門、迪士尼樂園及其體驗和產品部門，削減數十億美元開支，相信能提升企業的盈利能力。

長遠來說，當中擁有很多有價值的資產項，無論是主題樂園、擁有的品牌、發展中的媒體業務，長遠都有一定的價值，但要耐心等收成。

現時股價處合理區較下部，由於短期仍一般，投資者宜分注投資，買入後要長線，耐心等企業好轉，長遠發展仍然正面。

Q38663：

龔sir 將會上市的美的集團

買唔買得過？

龔成老師：

其實本身都有一定的質素，始終做到全中國第一，但現時中國消費力減，再加上股市弱，相信上市初期只會一般，至於長遠，其實都有投資價值，但就未必是高增長類。

Q38664：

老師請問2189前如何,上市已持有,每年都有穩定派息

龔成老師：

嘉濤（2189）不過不失，見佢生意穩定，盈利與現金流穩定，現價合理。

香港這行業，長遠有市場的，需求會更多，不過，競爭都大，加上市民對這行的要求、如衛生等，會愈來愈高，這會產生一定的成本。

整體都是正面，但未算最高質之列，這股可投資，長線，但規模唔算大，因此唔建議投資太多。

Q38665：

老師 你有無打算開少年財商班啊？ 我覺得理財這個重要的課題，應該從小培養， 但香港好像沒有類似的課程 ，不知道你是否會考慮開呢？ 如果你開 我一定會帶10歲的兒子來上堂

龔成老師：

暫時未有呀，但都多謝你意見先。

因為之前我的教材，都集中在成人層面，未有特別教有關小朋友理友的部分。

我相信小朋友認識正確的理財知識，都是十分重要的。

我會研究一下。

Q38666：

龔sir你好，我住澳門ge，之前一直都打一份好穩定, 但人工只有2萬幾的工作，但換上司後工作不快樂，由於老公人工低，我地又有個4歲小朋友，存款不多（我自己有買美股）

而自己有碩士學歷加上我開始教小朋友班，去過不同地方演講，眼見自己能力不差，返工唔開心，而且儲唔到錢，而澳門又有呢個市場，所以最近辭咗職，決定自己租個教室開班，已經準備招生！

我發現自己雖然有能力，但係心態經常驚呢樣嗰樣，又覺得自己好多嘢未準備好，又怕人哋覺得我收費高，又怕比人攻擊。

我爸爸都係做生意嘅，佢都有俾好多意見我，但係主要我自己會諗好多嘢，始終存款唔多，同我合作嘅夥伴又幫唔到手

後來今日開始睇返你本《80後千萬富翁》，之前都有睇過，但係因為嗰時仲係打工，未有太多感覺，而家真係自己創業，再次睇返，比到好多力量我！！

我就同自己講，唔需要驚太多，唔需要理人地點講，成功背後係一次又一次失敗，雖然夥伴幫唔到手，但亦都係一個經驗比我自己獨自去處理所有事，成長速度比起打工快好多。我辭職創業就係要致富，有錢人思維唔會經常諗自己冇錢冇生意。

我都未睇完你本書，但係已經令我從徬徨迷惘變成有返希望，真係好多謝你

龔成老師︰

好高興本書可以幫到你，其實創業好難一步到位，一定係一路試，一路去調整。

所以，你唔好比自己太大壓力，因為只要肯向前行，那怕係行得再慢，你都已經係向目標走近左。

只要保持彈性和樂觀架心態，相信你一定可以成功。

加油!!!

Q38667：

1) 01177 想買入 現價你意見如何？感謝你🙏🏻

2) 968 868 現價好吸引可入貨？

3) 十大光伏玻璃生產廠商近期召開緊急會議，並達成一致協議，決定實施封爐減產計劃，減產幅度高達30%

龔成老師︰

1) 中生製藥（1177）長遠有發展。不過，市場其中一樣擔心是中國政府的採購政策，影響企業賺錢能力。

自從帶量採購政策開始，部分中標藥物降價幅度可以超過五成，對相關企業影響不少，令中生製近年的股價較弱。另一方面，中國政策近年鼓勵藥企發展創新藥，而過往不少藥企都以發展坊製藥為主，故此對不少藥企有所影響。

雖然這些行業政策的改變，影響了企業的賺錢能力，不過，行業同時進行汰弱留強，所以長遠對一些較有實力的企業來說，不一定是壞事。而中生製藥，是中國藥企中，其中一間較具研發能力的，而經過近年的投資期，特別是部分創新藥陸續進入收成期，這股將慢慢好轉。

部分創新藥，開始為中生製貢獻不少收入，同時增長快速，加上近年投入大量資金研發，考慮到這企業過往能不斷推出新產品及擁有的研發能力，相信之後能保持推出具有競爭力的產品。

投資這類醫藥股，投資者要集中睇長遠前景，而不是短期情況。

這企業短期仍受中國政策等因素影響，但長遠，企業仍是擁有一定的研發能力，長遠仍是有發展的。

要留意，始終醫藥企業有風險的，投資者要考慮自己的風險承受能力，控制注碼，如果你投資後不能承受股價波動風險，就不建議投資這股，同時，要控制佔組合比例不宜過多。同時要耐心持有，等企業收成。現價算是合理區底部。

遲少少，我會係Youtube再具體分析一下1177，你可以留意翻︰

https://www.youtube.com/@user-rw4st4yg5v

2) 現價算合理區較低位置，未到話好平，但已經係可以分注水平。

3) 首先，唔係間間都一定會減咁多。而且，佢只係其中一個分析架因素，仲有大環境需求同成本之類。總括而言，未來行業依然有好高不確定性。不過，當中優質股已經有一定值博率，所以只要控制注碼，分注入市係可以。

Q38668：

hello呀sir 想問下點睇1177同2382同9633? 特別2382同9633比起買個陣跌左差唔多一半，應該現在離場嗎？

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。因為我地買股票就是買企業。

買入價，你的賺蝕，只是一個心理因素，該企業長遠的發展，才是我地是否值得持有的重點。

中生製藥（1177）長遠有發展。不過，市場其中一樣擔心是中國政府的採購政策，影響企業賺錢能力。

自從帶量採購政策開始，部分中標藥物降價幅度可以超過五成，對相關企業影響不少，令中生製近年的股價較弱。另一方面，中國政策近年鼓勵藥企發展創新藥，而過往不少藥企都以發展坊製藥為主，故此對不少藥企有所影響。

這企業短期仍受中國政策等因素影響，但長遠，企業仍是擁有一定的研發能力，長遠仍是有發展的。

要留意，始終醫藥企業有風險的，投資者要考慮自己的風險承受能力，控制注碼。

舜宇光學科技（2382）近年業績偏弱，再加上大環境及中國經濟對佢不利，相信短期都會弱。

不過，佢始終有技術，長遠仍有發展的，但就算這刻，始終不確定性高左，因此都不建議持有太過多。

農夫山泉（9633）的產品覆蓋包裝飲用水、茶飲料、功能飲料及果汁飲料等類別，多年保持中國包裝飲用水市場佔有率第一的領導地位。

業務上，有吸引力的，同時有一定的品牌價值，因此企業質素與發展正面。

不過，近年的業務增長力略有減慢，同時都會受中國經濟、飲品質量等因素影響。因此要注意風險度，只宜小注。

Q38669：

老師，點可以有每年10%回報？

龔成老師：

不少基金、股票，長期都有10%回報的，當然，背後不是完全無風險。

如果較平衡的，其中一隻可以考慮追蹤美股標普500的（VOO），過往都有平均約10%回報。

不過都要留意，現時美股唔算平，所以不要一次過大手，要慢慢分注買，長線持有。

Q38670：

龔sir早晨：請問2883中海油田在$6.5買入可望短炒多少賣出？可以長線投資嗎？，謝謝

龔成老師：

中海油田服務（2883）質素中等，未算強。

另外，不建議短炒，始終風險高。

佢係中國近海市場最具規模的綜合型油田服務供應商。

佢的服務貫穿海上石油及天然氣勘探，開發及生產的各個階段。業務分為物探勘察服務、鑽井服務、油田技術服務及船舶服務。

雖然佢都有一定的規模，但卻不是最高質素的企業，這是由於佢的產品自主力較弱。

石油是商品，當中沒有差異性，佢地要將石油賣出，只能跟國際油價，這令佢地處於被動狀態。沒有價格自主的能力，這令佢地的獨特性有限。這類商品企業，都可投資，但就要明白不是最高質的企業。

由於質素中等，唔建議大注投資，但相信油價上佢會上升的。