Q48531：
9992，$298買入
還有希望上返去嗎？
龔成老師：
泡泡瑪特（9992）業務有點波動，但都算有質素，企業是一家覆蓋潮流玩具全產業鏈的一體化平台，當中包括藝術家發掘、IP運營、消費者觸達及潮流玩具文化的推廣。
要佢產品有另一個熱潮先上到，否則，要慢慢等佢業務發展先得。
佢算是中國最大且增長最快的潮流玩具公司。合作伙伴中不乏知名品牌，好似迪士尼、HELLO KITTY等等。而產品中，最為人所認識就是"盲盒"，此銷售模式為集團貢獻不少。
不過，佢過往曾經面對中國策方面的風險，這都是潛在風險。
有一點要留意，業務始終是潮流產品類，如果日後熱潮減少，都會對佢的生意有一定影響！
Q48532：
龔成老師，本人將於2030年退休，如果我想在我的投資組合裏便加入保險公司，以下三間，
請問那一間，或兩間適合作為收息股
1299友邦保險
2318中國平安
2628中國人壽
龔成老師：
如果你目標是收息，可考慮：
中國平安（2318）之前表現較弱，到近期好轉。
之前影響股價因素，是內房及延伸資產問題，會對平保中短期不利影響。
而現時內房問題開始好轉，起碼中國政府表明要穩內地房產，對這部分資金會利好翻。
因為平保除了有企業本身的保險業務，會將浮存金進行投資，因此當中國類資產質素轉弱，都會對這企業的資產質素造成影響。
如果用較長遠的角度分析，平安不是無質素的，但的確要等中國經濟及資產質素較正常，這股表現才會較好。而這股近2年表現較弱，主要受兩大因素影響，第一，業務，第二，資產質素。
平保這類保險公司，會持續收取客戶的保費，這些浮存金就可以進行投資。但由於近年中國類的資產質素轉差，都影響了平保的資產質素，無論是與內房相關，又或同其他行業相關的。
長遠來說，企業仍是有質素的、有規模、有品牌，因此發展力仍在。這股長線投資價值依然存在，現價算係合理區中間，但由於短期股價仍波動，因此投資者投資，都要明白這方面的風險。
最後要留意。
你不能只集中一隻收息股，最好建立一個收息股組合，2318只是其一隻，不是唯一。
Q48533：
老師想問一問甲骨文值唔值得買？
龔成老師：
可以，但要小心控制注碼，佢最近風險度大左。
甲骨文 Oracle Corporation（ORCL）有一定的規模及質素，不過股價就較波動，因為市場對其資本開支大增擔心，令現金流轉弱，令風險增加。
甲骨文軟件係統有限公司（Oracle Corp）為全球企業提供數據庫技術和企業資源計劃或ERP軟件。企業提供解決全球企業資訊技術問題的產品和服務，企業的雲產品包括各種雲軟體應用程式，包括企業資源規劃軟件、績效管理、供應鏈解決方案等，以及基於雲的基礎設施支援。
成立於1977年，如今，甲骨文擁有136,000名員工，在175個國家/地區擁有430,000個客戶。甲骨文現時希望由人工智能技術的發展，帶動雲相關業務的需求進一步增加。
業務大致穩定，不過股價就較波動，以近年的業績分析，現價約在合理區較中間。
雖然長遠都有發展，但擔心股價波動，所以投資不宜一次過大手，要利用分注模式進行。
Q48534：
你好，龔sir 我是你的舊生。
最近韓國股市大跌
請問Kospi200市盈率是多少？（以800點計算）
可以在哪裏查看？
你會推薦哪一個追蹤kospi200的指數型基金？
謝謝你
龔成老師︰
我自己都無特別研究，以下你可參考下：
https://en.macromicro.me/series/20733/msci-south-korea-index-pe-ratio
Kospi200 的市盈率約15倍，預測市盈率則在7-10倍。
因為佢很大比重，落在三星和SK海力士。
另外，你要留意韓國一般PE都較弱，因為企業有少少家族生意成份，係扣分位。
同埋，SK海力士都偏向週期性，在週期高位，一般PE都會較弱(即PE低，反而未必代表平)。
南方KOSPI（3121）全稱是南方東英KOSPI 200 ETF。是一隻直接追蹤韓國綜合股價指數 200（KOSPI 200 指數）的實物 ETF。
KOSPI 200 指數是韓國股市最核心、最具代表性的基準指數，主要由韓國交易所上市的 200 家龍頭大型企業組成。
其成分股偏向人工智能（AI）與半導體晶片鏈的特性：重倉科技板塊：資訊科技（IT）佔整個指數權重高達 約 66%。
兩大科技巨頭控盤：前兩大成分股為三星電子（Samsung Electronics）及 SK 海力士（SK hynix），兩家全球晶片龍頭加起來的權重已接近六成（約 60%）。
其他主要龍頭：包括 SK Square、三星電機、現代汽車（Hyundai）等。
相信長遠發展正面，但始終近年韓股上升不少，加上科技行業始終變化較大，所以風險會較高，建議用慢慢分注或月供模式進行，不建議這刻大手。可長線持有。
Q48535：
你好
請問 我怎知1隻股票，正常果堆股票大隻股票果堆，不是仙股果堆，佢10年內邊個位是絕對低位？好讓我可以在相對比較低位可以溝貨令到佢升返上來時可返到溝貨後的平均價讓我可以沽貨？
而家睇返圖表，因為拉遠左個圖表先睇到某年某月是過去10年內的低位。但我已錯過了無溝貨。
例如2318平保，而家2026年睇先睇到2024年年頭是呢10年內低位，但無買。
龔成老師︰
你要做"估值"，去大致判斷佢合理價區間，從而知道大約多少錢﹐開始平。
但唔好諗，你講架"10年內邊個位是絕對低位"。
第一︰
就算做左估值，都唔會知最低點係邊。
而且，無人會保證，下次大升之前，一定要先回落至低位。
如果你下下等最低位，先至肯入市，會有機會錯過增長時機。
所以，正確做法係合理區分注，到平宜區大注。而唔係等，所謂架"絕對低位"all-in。
第二︰
10年，行業同企業本身，都會有變化。
以往架低位，很大機會不是今天的低位。
第三︰
唔好睇圖表，"估值"係用財務數據、企業本質、行業發展去做判斷。
Q48536：
若以自有資金在網絡証券(無手續費/平台費)入飛抽了一手IPO#3308。
而假如本月30日通知得一手的話(市傳有相當機率)。
在現時市況環境下，
老師建議如何操作(暗盤/上市當日)？
有勞了
謝謝
龔成老師︰
- 中際旭創（3308）為全球領先的光互連解決方案提供商，其光互連解決方案通過光纖傳輸數據，在日益複雜且數據密集型的雲端和AI基礎設施中，實現服務器、交換機及其他網絡設備之間的高速、節能及低延遲的連接。
集團的主要產品為光模塊，可通過實現電信號與光信號的相互轉換來傳輸海量數據。集團在全系列高速光模塊細分領域均處於領先地位，包括400G、800G及1.6T。
跟據資料，集團自2021年起連續五年是全球收入規模最大的光互連解決方案提供商，2025年佔整體光互連解決方案市場的21.2%，並進一步提升了在高速數通光互連解決方案市場的領先地位，同年佔據28.1%的市場份額。
集團服務全球大多數頭部雲服務廠商及AI計算解決方案提供商，其大部分收入源自美國。
企業都有質素，佢作為全球領先的光模塊龍頭及英偉達算力供應鏈的核心成員，近年隨着AI算力增長，其財務數據也理想，近年生意與盈利都明顯增長。
要要留意，現時估值並不便宜，市盈率處較高水平，企業往後要保持高增長才能支持現價，如果投資，暫時只建議小注。
- 你要明白，一般IPO作價都係唔平，即係投資值搏率唔會高。
所以，我唔太建議大家抽IPO。
當然，唔代表佢短期唔會升，但而種升跌，純粹係市場情緒左右，無得估。
- 而且，你已經退休之年，這類潛力股本身就唔適合你。
建議你，如果抽到，睇番佢佔組合比重。
如果唔高，你又好睇好佢，咁你保留都得。
但如果想保守D，或者本身佢佔你組合比例高，咁就沽出較好。
- 至於價位，其實高過招股價，已經係可以沽，因為本身定價唔平。
如果低過招股價，咁你就睇第三點決定。
Q48537：
你好呀 老師，有少少事想請教你，好多年前買入嘅派息基金，總額100萬依家跌到得返65萬
覺得需要再重新分配嗎？
有沒有其他好基金建議萬分感激
（網友附上基金資料）
龔成老師︰
首先，你要睇自己人生階段。
若你係年青至中年，應以增值為主，你現時配置主要係收息，未必咁適合。
就算你係偏向年紀大、保守、或者近退休之年，這些較適合收息配置的年紀，也要留意一點。
就係你基金投資項目，以安聯為例，佢係主要投資"高息債券"(相信有機會部分投資垃圾債券)。
佢地派息高，但違約風險都大，唔太建議買而類基金。
我初步睇資料，佢地有一定風險，第二，表現較弱，比現時不少投資市場弱。雖然基金不是完全無質素，但整體表現一般，可考慮減持。
至於宏利智富富蘭克林入息基金，有點賺息蝕價的情況，佢在旺市時嚴重落後，由於這隻基金高度偏向傳統價值股和債券，幾乎沒有配置當前引領美股的 AI 科技巨頭（如 NVIDIA、微軟等）。這導致它在美股上升浪中「牛市不跟升」。投資價值中等。
至於宏利智富貝來德系統分析環球股票高息基金，你預整體質素不過不失，算是中等。
同埋，基金有唔少收費，長線會影響你回報。如果唔識選股，買指數ETF可能仲好。
如果想知多少少指數ETF係乜，可以睇翻我之前架Youtube影片︰
https://www.youtube.com/watch?v=nBr4tCJ__oY
其實，我會建議簡單投資追蹤標普500指數的基金，例如在美股上市的（V00），第一，表現不，第二，管理費明顯比你上述基金低。
Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。
由於美股波動，現價也不便宜，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。
Q48538：
Sir 新手一問6823,0836,00006隻隻價依家都高位 唔知邊隻好 想收息但有上升幅度 令外小米加倉否 發報會後會否下跌
龔成老師：
如果你目標收息，可優先考慮電能（0006）、香港電訊（6823），現價雖然唔平，但仍可以買入，你可以用分注模式買，或者買小注，等跌再加。
電能實業（0006）佢主要從事投資能源及公用事業相關業務，範圍包括火力及可再生能源發電，輸電和輸油，配電及配氣。
佢除左持有港燈（2638）外，亦有國際業務，如英國、澳洲、新西蘭、中國內地、泰國、荷蘭、葡萄牙、加拿大和美國等能源及公用事業相關業務。
這股是收息股，但增長力就不強，有長線投資價值，適合中低風險類的投資者，投資目標是收息，及有少少增長，而這股的股價也較穩定。現價合理區。
至於小米（1810），長遠正面，但短期仍波動，同時要控制持貨，如果你貨多就不要加。
Q48539：
買正股點做到複利息？
龔成老師：
第一，當你收到股息，然後再投資該股，就是複息原理。
第二，如果你買入有增長力的企業，每年有盈利類別的股票，其實也是複息。
因為當你以「企業投資者」角度去想，你持有一間企業，企業每年有盈利，而這些盈利部分會再投入到企業裡，令企業有增長力，當不斷進行這動作，對投資者來說，已經是一個複息動作。
Q48540；
請問龔Sir,月供那隻股票好？
龔成老師：
要睇你的年齡、投資目標、風險承受能力。
如果最大路，可考慮標普500井金（VOO）+盈富（2800），長期月供。
Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。
由於美股波動，現價也不便宜，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。
Q48541：
老師，你之前講7709ETF有波動損耗
是甚麼？
龔成老師：
其實這不止7709，槓杆類ETF都有這情況。
波動損耗（Volatility Decay），是指在正股價格反覆上下波動時，由於每日重新平衡機制，導致 ETF 淨值被不斷侵蝕的現象。
這意味著即使正股一段時間後回到了原位，槓桿ETF價格依然會低於原來的價值。我以下用2倍槓杆為例：
第一天：正股大跌10%，正股價格：$90
ETF兩倍跌幅-20%：100 × (1-20%) = $80
第二天：正股回升，升到$100正股必須升11.11% 才能從 $90 變回 $100（因為$90 × 1.11= 100）。
ETF升幅為正股的兩倍：11.11% × 2 = 22.22%
ETF 新價格：$80× (1+22.22%) = $97.78
最終結果：正股完全沒有升跌（維持 $100），但ETF卻只剩$97.78。因為ETF的原理是盡力追求「每天2倍」的表現，而不是長期2倍的表現。