Q26381：
老師 , 請問我這層樓餘下十年就供完, 如换樓要供25年， 即是要再供多15年， 老公話寧願攞呢15年嘅供樓錢去旅行享受生活， 但係我覺得就算買新樓， 每月儲兩千蚊都夠一年
去一次旅行， 究竟我有什麼理據支持換樓？
另外我之前提及過如果換樓升值 ，供不起最尾五年 ，買返細單位這個想法是否可行？
因為我全職媽媽冇收入， 但係每月可以儲到三千蚊家用， 另外有70萬 股票，30萬現金， 有冇方法兩年內可以滾存多一百萬？ 因為 我想買七百萬嘅樓 ，俾400萬首期( 賣咗現
住樓可以攞到300萬做首期， 我自己再補一百萬出嚟)， 我想咁樣做係因為月供可以減輕老公嘅壓力, 亦都想佢知道換樓我都係有付出， 為阿女好。 我買咗你 嘅80後百萬富翁
及 秘密，但係要湊住小朋友都未睇得曬。
我知道要對自己有信心就可以賺到錢， 但係湊住小朋友真係好多嘢都做唔到， 所以你可唔可以教下我點樣把現有資金增值多一百萬？ 另外我有諗過做些小飾物賺錢但是好像利潤不多。
謝謝老師解答感激萬分
龔成老師︰
買入自住物業有兩個很重要的因素，一個是「供得起」，另一個是「滿足長期需求」，你希望換樓其重要原因是滿足將來的住屋需求，例如將來女兒長大，可能需要更大的空間等，都是一種需求。
所以，你現時是否換樓，其實我覺得應該從你實際需要去做考慮點。
另外，就是「供得起」的原則，你說最尾5年有可能供不起，代表你其實換這個新物業，可能係有少少過左自己承擔能力。當然，到時你供唔到，就換做細屋，係可以，但唔算係理想做法。
所以，你現時要做，就係同另一半溝通，嘗試將自己的想法和對方講。再一齊分析，到底有無換樓的實際需要，和財務上是否配合到，最終才決定是否落實買樓的計劃。
至於，兩年内滾存多一百萬有點進取，巴菲特長期的每年平均回報都是20%，普通人合理回報是10-15%，你小心太心急賺錢而盲目投資，投資是涉及風險的。
如果你要在兩年内買樓，相關資金不能承受太大風險，只能將部分買入「收息股」或做定期；如果買樓時間可以延長到3-5年，可以投資「平穩增值股」+「收息股」，
投資期越長，風險承受能力就越高。
收息股︰港燈（2638）、香港電訊（6823）、工行（1398）、恆生（0011）、置富（0778）、陽光（0435）、深高速（0548)。收息基金(3110)，都可以。
現時大市處於合理的水平，如果你已經預計好買樓時間，可以將30萬現金先動用多約10萬「分注」買入「收息股」，剩餘資金就等機會，趁大跌市時加大力度掃貨。
另外，你有創業，增加收入的念頭是好的，如果符合市場需求，反而可以在短時間内累積更多的資金，不要嫌利潤少，你可以向這方面多做嘗試。
雖然有家庭，時間可以運用的比例會變少，但我都鼓勵你不要停止吸收知識，知識和投資績效是成正比的，加油，期待你目標的達成！
Q26382：
老師，我朋友叫我買中國移動
作為穩陣股其中一隻
另外港股是兩隻車股 各一手 等梗返屋企..
其餘3萬買梗tqqq和sqqq
-呢個組合你覺得平唔平衡呢？
-中國移動是否一個穩定又高息既選擇？
-如果想入多一隻穩陣收息股 港燈你又覺得 算唔算穩陣同高息？還是有別的選擇呢
龔成老師︰
中移動（0941）算有質的，但增長力不算強，可視佢為收息股，這股有長線投資價值，算是穩陣之選，現價合理。
車股都要睇翻企業本身的業務，如果是新能源車會是將來發展的方向，如果是燃油車，會慢慢被市場取代，所以你自己要留意翻。
（TQQQ）為三倍跟蹤納斯達克指數ETF，也就説納斯達克指數上漲1%，TQQQ應該上漲3%。
由於有槓杆成份，風險較高，因此不太建議，加上有一定的成本在其中，如果納指不升不跌，佢都會有成本令價值減少。如果你睇好納指，考慮QQQ較好。
加上現時納指只是合理區較上部，不是大手時機，不應用槓杆去進行投資。
ProShares UltraPro Short QQQ(SQQQ)這類產品複雜和好高風險，基本上係賭納指100走勢，如果跌你就賺，再加-3倍槓桿。
我對這類產品有保留，納指在過去數10年反覆向上，所以長遠計持有這股對你"不利"，一定多於"有利"，不建議投資。
港燈（2638）是不錯的收息股，現時股息率約4%，不算高息，但勝在穩健，長線投資的話，就可以買這股，但最好都是以分注作投資，現價在合理區中上部至頂，都可分注，但不是大注。
（TQQQ），(SQQQ)這類複雜又高風險的產品不建議你使用，如果你是較爲年長或者你投資打算收息，中移動（0941），港燈（2638）可以是一個選擇。
我地係做投資選項時，會睇翻你現時人生階段。假設你係年青至中年人士，應先做好增值，我一般建議用「平穏增長股」 + 「潛力股」作組合，去創造一個增值平台。
但如果你希望開頭穏陣D，或者你係年紀較大，你應該用「平穏增長股」 + 「收息股」的組合。你可以睇翻你自已年紀和風險承受能力，去做決定。
例如收息股部分︰可留意深高速（0548）、香港電訊（6823）、工行（1398）、恆生（0011）、置富（0778）、陽光（0435）或收息基金(3110)都可以。
而平穏增長股和收息股，現價算係合理水平，可以分注。
但由於潛力股有一定波動性，你投資經驗較淺或較爲年長就不建議投資，新手都不要超過3成。到你累積到較多經驗，才慢慢將比重提升。
現時大市只在合理區，資金唔好盡用。最好留有部份，等大跌市出現時，可以用來掃貨。
Q26383：
老師, 本人37歲, 月入3萬, 想長期月供股票, 每月可供10,000萬 股票, 目標就係投資增值, 如果以下組合可行嗎？
3 中華煤氣 $500
27 銀河娛樂 $1500
66 地鐵 $500
700 騰訊 $1000
823 領展 $500
1177 中國生物製藥 $1500
1211 比亞迪 $2000
1810 小米集團 $1000
2638 港燈 $500
9988 阿里巴巴 $1000
會唔會分得太散？謝謝
龔成老師
我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
你37歲，應以增值為主，建議你用「平穏增長股」 + 「潛力股」作組合，去創造一個增值平台。
銀河娛樂（00027）是優質股，雖然續牌件事係明朗化左，但博彩業依然存在不確定因素，投資可以，但就要保守少少，$1000-1500 會較好。
阿里(9988)，騰訊（0700）是優質股，但因爲政策的風險，中短期會較弱，現時注碼可以，但預佢會較波動。
煤氣（0003）取消派紅股，有可能反映管理層認為，企業往後的增長減慢，會對企業有少少不利，但長遠仍有發展，不過只宜小注，現時注碼合適。
比亞迪(1211)現價都算略貴，最好只係小注供住先，等佢回到$200以下，才供$2000，現時最多$1000好了。
你現時組合可以，不算太散，但「潛力股」的比例接近7成，但因爲月供，風險尚可接受，將來不要再加入更多潛力股，避免組合風險過高。
隨著資產的增值，反而可以增加「平穏增長股」的比例來平衡風險。(比亞迪多出$1000，建議供以下股票)
現時大市只在合理區，每月資金唔好盡用。最好留有部份，等大跌市出現時，可以用來掃貨。
Q26384：
龔老師你好。請問你對1196偉祿集團有認識嗎？2020年我曾經買過，獲微利。2021年四五月再買，之後一直坐艇，直至今年三月大跌市，開始反彈。
直至4月1日，看新聞得知盈警，剛巧升至買入價，嚇得我即全沽，平手。哪知之後一直上升，沒有伴隨波動市而波動。我一直後悔，卻不敢高追。
請問若果遇到這情況，應該如何部署？
感激！
我的意思是，若想買回，該如何操作？等大回調？
你是否同意我買回呢？有前景嗎？
龔成老師︰
如果你有上過我的課程就會知道，短期股價上升或下降的原因有好多，包括市場情緒，資金流向，買賣供求，無原因上落；但長期會回歸企業的價值。
你想做短炒和賺現金的觀念，反映你的理財知識仍有不足。累積財富其實是一個有系統，有計劃，有紀律去執行的過程，而不是短期的炒賣。
我建議你閒時努力增進投資知識，來提升你財富增值效果。你要多讀投資相關書本、年報，新聞和報讀相關課程。
偉祿集團（1196）業務包括環保事業、經營汽車零件、商業印刷、數碼印刷、投資物業等。
初步睇佢業務，唔算好有吸引力，賺錢能力都好一般，加上負債唔細。
此股質素好一般，投資價值不高。
佢最近大升，好大機會係由於佢有不少新的海外發展計劃。但這些計劃是否成功、幾時開始獲利、獲利程度有多少，而一刻無人知。
如果你應為有潛力，都可以投資，但必宜控制注碼。
Q26385：
龔成老師，本人今年就快38歲，無投資經驗，月入2萬7，我以前有個錯誤觀念，經常覺得投資很大機會，會蝕了辛苦賺來的錢，錢只會放銀行或者消費了，
消費完，感覺會比較實在！
所以現在每月儲12000元，銀行存款大約50萬，每月用1000元供保險基金，供了7,8年多！想請問如果現在用儲蓄那8000元，用在月供股票會比較好嗎？供那隻會比較好？
我想有d利息收下，同埋可追回之前失去的時間嗎？感謝老師回答，thanks
龔成老師︰
建議你睇我本《財務自由行》，當中有講述現金和資產系統，現金長遠會貶值，資產才會有增值的能力，
你會覺得投資一定會損失，是因爲你的理財知識不高。建議你先努力增進投資知識，來提升你財富增值效果。你要多讀投資相關書本、年報，新聞和報讀相關課程。
書本上，你可以睇我寫架《80後千萬富翁》、《財務自由行》和《股票勝經》，都適合初學者。
你現時38歲，可以投資一些「平穩增值股」+「潛力股」。不過，由於經驗不足，因此這刻不用急著投資，你可以先集中指數基金先，未來有一定經驗，才加入下列股票。
現在你每月先用5成儲蓄，即$6000做月供。其餘先儲起，用一邊月供一邊儲蓄的策略。銀行的50萬存款你可以動用一半，即$25萬「分注」買入以下股票。
潛力股部分，可選安碩恒生科技(3067)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、ＧＸ中國電車基金（2845）、三星FANG ETF（2814）、安碩納指一百（2834）。如果有投資美股，可投資QQQ。但佢地波動性和風險會較高，你要自己平衡。
現時大市只在合理區，餘下資金就等你用一定知識，或者大跌市出現時，才動用。
以你年紀，重點係資產增值，唔係收息。唔好諗話點盡快追翻之前的時間或者損失，咁只會令你更易做錯決定。
你最重要係學好一套正確投資方法，過去損失的會自然追回來。
Q26386：
龔成老師你好 本人已4x 一直都是家人幫我代為處理投資 因某些原因 導致戶口真空期一段很長時間 最近先開始自己接管 但有部分股票已沒有投資價值 希望老師能幫幫我 指點
一下 應如何處理會比較好 現持有以下股票(平均買入價)：
電訊盈科 [email protected]
大快活集團 [email protected]
保利置業集團 [email protected]
康師傅控股 [email protected]
思捷環球 [email protected]
港交所 1000@450
廣深鐵路股份 [email protected]
嘉里物流 [email protected]
海通國際 [email protected]
嘉里建設 [email protected]
中國電信 [email protected]
中國鐵塔 [email protected]
華潤電力 [email protected]
中國海洋石油 [email protected]
中國移動 [email protected]
宏利金融 [email protected]
中石化油服 [email protected]
中國神華 [email protected]
美聯集團 [email protected]
金沙中國有限公司 1600@47
中國人壽 [email protected]
易鑫集團 [email protected]
保利物業 600@65
眾安在線 [email protected]
碧桂園服務 [email protected]
藥明生物 [email protected]
長城汽車 [email protected]
阿里巴巴 [email protected]
除以上股票外 我由2021年開始每月月供2隻股票 騰訊$2000 港交所$2000 如果想再月供多兩隻股票 有什麼建議會比較適合？
另外再每月儲$10000等待機會入市 希望可以重新規
劃整個投資組合 我已白白浪費了人生一半時間 但無論如何 人要向前望 要好好把握餘下嘅時間及機會 以我的年紀 兩夫婦沒有小朋友
但先生收入不穩定 想在60歲左右退休後維持到一定生活水平 請問我應該如何運用手上現金投資股票 應該買升值能力高嘅股定係收息股好？
望老師能給我意見應如何分佈會比較理想 謝謝你
龔成老師︰
以你4X的年紀，最好集中投資「平穏增長股」。
保利置業集團（0119）質素中等，負債高，故有一定風險，因此不適宜持有太多；碧桂園服務 （6098）受內地房地產較弱影響，中短期不會不利﹐持貨少的話，可以守。
思捷環球（0330）、亨得利（3389），易鑫集團（2858），美聯集團 （1200），中石化油服（1033），廣深（0525），海通國際（0665），中國神華（1088），質素一般，不適宜持有過多。
大快活（0052），康師傅（0322)，廣深鐵路(0525)，海通(0665)，嘉里建設(0683)，中國電信(0728)，中國鐵塔(0788) ，華潤電力(0836)，中國海洋石油(0883) ，宏利金融(0945） ，中國神華（1088） ，金沙（1928)，中國人壽（2628），長城汽車（2833）屬於平穩增長股。其中金沙（1928)仍有質素，但因博彩行業有不確定性，不適宜持有太多；
港交所（0388），嘉里物流（0636），眾安在線（6060），藥明（2269），阿里（9988）屬於潛力股，波動性較高，建議維持在3成以下。
電訊盈科（0008），中國移動 （0941）屬於收息股，你的年紀可以持有少量。
你的持股數目偏多，難於管理。長遠100萬以下的組合維持在5-10隻；100萬以上的組合建議維持在10-15隻比較合適。
月供方面，騰訊（0700），港交所（0388）都是優質的股票，月供或分注都可以，可以加入多2隻「平穏增長股」來平衡組合風險。
另外，現時大市在合理區，你每月可用資金，最少一半做月供，餘下才儲起等大跌市機會。
收息股增長力不高，不適合你現時投資，會拖低你長遠組合回報，建議你在退休前幾年，再慢慢將資金換入收息股創造現金流。
Q26387：
老師，我今年40，持有以下股票：
285: 2000股, 平均價$25
700: 2000股, 平均價$380
1810: 2000股, 平均價$22
2845: 100股, 平均價$122
2809: 50股, $129
3968: 500股，$70
939: 10000股, 平均價$6
3988:9000股，平均價$2.9
941: 500股, $54
3033: 2000股，平均價$4.7
3319: 500股，平均價$30
823: 200股，平均價$70
3110: 200股，平均價$25.5
175: 2000股，平均價$20
用左我約2/3資金，帳面蝕左吾少，我應該止蝕還是守住？最後1/3資金應該用黎加注還是買入其他股票？
龔成老師︰
首先你要明白一個概念，我地持有一隻股票與否，關鍵位是企業質素、前景，不要被買入價影響。因為我地買股票就是買企業。
買入價，你的賺蝕，只是一個心理因素，該企業長遠的發展，才是我地是否值得持有的重點。
你40歲，應以增值為主，建議你用「平穏增長股」 + 「潛力股」作組合，去創造一個增值平台。
比亞迪電子（0285），騰訊（0700），小米（1810），ＧＸ中國電車基金（2845），GX中國潔能（2809），南方恒生科技(3033)都是有質素潛力股。
其中騰訊（0700)的比例偏多，風險集中，建議適量減持，平衡組合風險。個股比重唔好高於組合15%。
招商銀行（3968），建行（0939），中行（3988）都是内銀股，内銀普遍有壞賬問題，加上銀行業本身有系統性風險，不建議持有太多(銀行業不宜高於組合20%)，現時比例可以接受，但就不要加注。
其他股票問題不大，可以持有。
現時大市處於合理區，不建議將現金用盡，1/3的資金可以暫時保留等大跌市掃貨。
除上述問題，你整體組合都算有質素，暫時可以守住先，但建議你長遠加入「平穏增長股」 來平衡組合。因為你現家好集中係潛力股類別，令成個組合風險偏高。
現時大市只在合理區，資金唔好盡用。最好留有部份，等大跌市出現時，可以用來掃貨。
Q26388：
你好龔成老師，近期中了六合彩有幾百萬港元。
現年30歲，本身只有30多萬積蓄，月入2萬左右，未有物業。
請問該如何投資以穩健財富增長？期望可45歲提早退休。感謝。因與家人住，沒有住屋壓力，暫時亦不打算買樓。
龔成老師︰
成個財富增值策略，最重要係「平衡性」。我地投資，其實係一個財富配置的動作。
你要去建立一個風險不高，長線又有增長力的財富組合。
所以，你要因應自已的財政狀況、風險承受能力、年齡、負擔、要求回報等建立一個適合自己的「組合」。
股票，物業是現時最常見的增值工具，你可以運用「股樓平衡」的策略，因爲你現時未有物業，如果將來有住屋的需求，可以從這方面考慮。
假設你目標，希望45歲財務自由後每月有3萬蚊現金流，以股息率6%計，你需要本金600萬。
你現時要做的，就是透過「平穏增長股」和「潛力股」這類增長股，去累積這筆所需財富。
我假設你會用了當中150萬去置業，其餘150萬才會投資。投資回報有10%（連股息再投資），15年後大約只會增值至620萬。你可以因應自己情況，去再作調整。
以現時大市合理區狀況，你可以考慮先動用150萬的40-50萬「分注」買入平穩增長類的優質股。
由於你投資知識不高，因此可較集中在平穩增長類股，至於潛力股，只宜小小注（約3成）。此期間，你最好是努力提高投資知識，才慢慢增加翻潛力股比例。
餘下現金就是個市每有回調，就慢慢加注。如果你能在這段時間學好選股等技巧，到大跌市時就能把握機會，財富增值會更明顯。
等你的財富增值到一定程度之後，就在退休前買入收息股，創造現金流，提供生活所需。
Q26389：
阿sir 近排個市都好波幅 我應該有咩策略 ？ 我有聽你講留現金到大市進一步下跌再入 如果我再入貨 應該入咩股比較好。以下我的貨：
700、7200、1830、345、3088、968、788、1177、1810、2845、419、2018、2800、3333、493、9988
我個倉適合再加注嗎？ 日日跌 都有d唔知點部署
many thanks sir
龔成老師︰
升跌唔係重點，最重要係平貴度，再因應自己持資和現金比例，去進行配置。
現時大市在合理區中下部，你預現金大約佔組合2-3成，其餘可以分注入市。
ＦＬ二南方恒指（7200）有槓杆，就會令價格更加波動，其實有風險。我會較建議投資無槓杆的盈富（2800），始終較好。
恆大(3333)本身唔係無質素，但佢負債真係好多，就算佢復牌，都唔建議加注住。
國美零售（0493），從過往分析，只是一般，都不是加注目標。
其實你組合而家太偏重左係潛力股(大部份都係)，佢地雖然有增長潛力，同時風險都較高，不宜持有過多。
假設你係年青至中年人士，潛力股可佔約5成，餘下應用以下平穏增長股。若你投資經驗較淺，潛力股比重，要再調至3成以下。到你學到一定投資知識，才慢慢調高。
未來時間，你加大目標應以平穏增長股為主，去令組合回復平衡。佢地現價都合理，可以分注。
Q26390：
龔成老師，你好。本人37歲，老公39歲，有2小孩，分別6歲和3歲半。
我和老公共月入6萬5，我們各有物業收租(物業市值各580-600萬)收租租金足夠供樓(按揭分別300萬和310萬）另要支付管理費和税務。
一家人另租樓住：租金$11000
現持有現金：100萬（放在mortgage link account 收息)
人民幣定期：10萬
其他外幣：5萬
每月可儲1萬至1萬5千
現持有股票：
匯豐銀行：3025股 @$69
煤氣 ：3326股 @$12.438
建行：6277股 @$6.034
郵儲銀行：2000股@$4.76
華泰證券：400股 @$24.8
百度：50股 @$252
本人計劃15-20年後退休，現在應購入什麼資產投資作準備？
謝謝你百忙中抽空作答
龔成老師︰
當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。
例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。
以你現時37歲去計，可以投資一些具增長力股票，如「平穏增長股」和「潛力股」。
你現時持股都有質素，但有2個較大問題。首先，你好集中係銀行類，任何行業都不要佔組合3成以上，銀行業風險較高，只能2成以內。
個別企業，也不要高於組合15%，以免出現過度集中性風險。
另外，匯控(0005)、建行(0939)、郵儲(1658)都只係收息股，增長力不高，不宜現階段持有太多。建議你將部份，換至有增長力的優質股。
至於華泰(6886)質素中等，唔建議持有太多。
未來時間，你每月5成儲蓄，即是用$7500做月供。其餘先儲起，用一邊月供一邊儲蓄的策略。
如果你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。
若你有一定投資知識﹐潛力股比重可以相應調高，佔組合約3-5成，視乎你投資知識多寡和了解這些股票程度而定。
現時大市只是合理區中下部，你現有100萬資金可以投入多一半，用"分注"形式，慢慢買貨。餘下一半和每月所儲到的資金，就等大市出現一定程度的下跌，才大力度掃貨，然後長線投資。
而外幣，如果無實際用途，都可以換回港元去投資。