Q24641：
老師，本人持有:
7226 ：
80000股 $4.45 $356,000
50000股 $4.1 $204,997
26000股 $3.8 $98,800
28000股 $3.592 $100,576
56100股 $3.424 $192,086.4
共240100股 平均價$3.967 $952,459.4
1810：
8000股 $24.75 $198,000
175
8000股 $20.025 $160,000
股票總值 ：$1,310,459.40
剩餘現金： $150,000
股票 + 現金： $1,460,459.40
之前 realize gain： $323,838
現時 unrealized loss：-$410,764
1.想問本人持貨能耐極高，可以坐1年或已上，可唔可長期持有7226？儘管科技股有監管，科指長遠計可不可以返回7000點？
- 如果坐艇，本人持有1810，想問如果揀1隻坐艇，1810 好些還是7226 好一些？
- 175 我20.02買入，算唔算貴？ 將1810 現時換馬到175 好唔好？
自己還有100萬現金作為自己生活洗費
完全不買股的
龔成老師︰
- 首先，長期持有，一般係講緊3-5年，甚至更長，1年只係一個十分短的時間。
恆生科技股，當中都有不少有潛力企業，相信長線發展會係正面。不過，1年這個時間不太多，就算再優質股票，都有機會出現波動，所以成個指數一年內點走，好難估。加上潛力類企業較波動，你策略上出錯。
ＸＬ二南方恒科（7226）產品之投資目標為追踪恒生科技指數每日表現兩倍（２ｘ）的投資業績。
雖然我長遠認為，恆生科技指數正面，但中短期可以較波動，由於這基金有槓杆，就會令價格更加波動，其實有風險。
我會較建議投資無槓杆的恆生科指ETF（3067），始終較好。
- 我想先清晰翻你一個想法，唔好覺得願意"坐艇"，或者願意比時間，成件事就一等會變好。
投資係要講求分析和策略，你需要了解企業質素、行業發展、財務狀況、以至你成個財富組合平衡性等因素。一隻無投資價值架股票，你坐幾耐都無用，你現時組合存多幾個較大問題。
首先，你現時組合太集中係3隻股票，特別係風險較高的7226。
我地係創建組合時，個別企業和行業，不要佔組合15%和30%以上，銀行業更加不要高於組合20%，否則會有過度集中性風險。
7226算係一個行業，但佢有槓桿。如果你真係好想保留，我建議最多佔組合10%左右好了，其餘20%用無槓桿架3067。
第二，你現時持有的股票，都係潛力股類型。這類股票增長潛力強，但同時風險都較高。如果你係年青至中年人士，我一般建議佔3-5成好了。
若你經驗較淺，或者年紀較大，比重要再進一步下調。
未來時間，我建議你沽出部份現有持股(特別係7226)，再按你年紀，去加大翻平穏增長股部份，令組合更平衡。
第三，就係少用，最好唔用槓桿，以免風險過高。
第四，現時大市只在合理區，現金水平最好起碼有3成。你現時明顯太低，故暫時不要動用$150,000現金加注。
- 吉利(0175)現價和你買入價，算係合理區中上部。而小米(1810)現價算合理區中間，值博率會係小米較高，唔建議你換碼。
其實投資增值，最好方法，就係在合理，甚至平架水平，買入價質股並長線持有。你唔好成為諗換黎換去，去提升自己潛在回報。
表面上，這樣做係有利。但當你經驗不多，未懂定平貴，咁做反而好危險。建議你簡單點，長線持有優質股，再調整好個組合配置，相信已經會有唔錯成績。
Q24642：
老師你好，想問一下五菱汽車有潛力嗎，最近受惠於上汽出新車，五菱作為其零件供應商，股價現時可買嗎，有無發展空間。感謝老師百忙中抽空回答。
龔成老師：
五菱汽車（0305）質素算中等，業務都不算差，潛力度有的，但同時都有風險。
近期產品銷售不差，但我地分析時，唔可以只用咁短時間，就去決定一間企業品牌。這個平價車模式，可否能為佢持續增長，依然係一個問號。
以佢過去幾年，最高單年純利都不足2億，但現時市值好高，已經係唔平。近期此股急升了不時，此刻投資有一定風險。
如果以長遠角度分析，佢主要業務為於中國從事汽車零部件、發動機及專用汽車之製造及銷售業務。為中國商用微車發動機及汽車零部件之領導製造商，製造設施設於柳州及青島。
之前有中國品牌電動車大賣，而五菱汽車有做供應所以在當中有利益，令股價大升，但之前業務增長減慢令股價回落。現價唔算平，潛力度有，但風險並存，只建議小注投資。
Q24643：
sir 請問點解例如：蝕$10k比起賺$10k，痛苦更大及維持更耐？
賺$10k的快樂遠不及蝕$10k的痛楚
龔成老師：
不少投資者都有這情況，將一些負面情緒放大，如果要成為成功投資者，就不要有「情緒」，無論投資上帶來的痛苦或快樂，都要理性處理，不要影響投資決定。
Q24644：
你好成哥， 我幾年前已經follow你個page，亦都漸漸建立左自己嘅投資組合。而家我28歲，目標係三年後到澳洲留學，學費預算要50萬港圓，
我應該每月儲起$14000入銀行，還是繼續我現時的月供計劃？以及可以為我的投資組合給予一些意見嗎？萬分感謝。
現時持有港股：
中電 614股@平均80.25 （現月供1000）
煤氣 3057股@平均13.24 （現月供1000）
港鐵 1056股@平均42.46 （現月供1000）
騰訊 59股@平均357.78
長建1050股@平均49.02 （現月供1000）
中生3185股@平均6.87 （現月供2000）
比亞迪581股@平均47.94
小米682股@平均23.89 （現月供1500）
金沙1310股@平均26.43 （現月供2000）
盈富1792股@平均27.37 （現月供1000）
阿里141股@平均184.98 （現月供2000）
南方A50 400股@15
現持有美股：
VTI 42股@平均207.85
VGK 145股@平均66.03
VPL 123股@平均83.2
VWO 200股@平均52.52
IJS 73 股@平均103.77
IUSV 106 股@平均71.9
IEI 15 股@平均129.89
BNDW 45 股@平均80.1
BWX 32 股@平均29.02
龔成老師︰
你現時持有股票，都係有質素。但太多，雖然好多係ETF，但我建議你最好長線集中翻係10隻左右，咁你會易打理D。
另外，以你年紀計，應該以增值為主。先去努力累積起一筆資產，到你退休時，才換成收息資產，支援退休生活。
iShares 3-7 Year Treasury Bond ETF(IEI)、Vanguard Total World Bond ETF(BNDW)和SPDR® Bloomberg International Treasury Bond ETF(BWX)這些債券類ETF，唔係太適合你。
佢地主要係收息，增長力唔會明顯，不建議你持有太多。
由於你尚有3年才留學，故你現時資金，依然可以用作投資增值。
不過，中電(0002)主要係收息用，唔建議你作為月供目標(現貨可照持有)。而阿里(9988)和金沙(1928)不確定性高左，暫時不宜持貨太多，建議月供可以停停先。
另外，到你要動用這筆資金的半年至1年前，你就要開始慢慢沽貨套現，唔好到用先一次過沽，因為無人知當時個大市水平。因此，你要慢慢沽，去平衡價格波動的風險。
Q24645：
你好老師，我倆人月入大概12萬，現有現金大約1百70萬 (在新加坡的銀行，息口很底，又沒有定期做），2019年首次置業，每月還mortgage大約一萬五。
請問可以買多少幾（希望不太高風險）優質股收下息？我想買你的書學習下投資，有什麼建議？thanks
我想開始錢找錢？但不知從可做起
龔成老師︰
由於現金只會不斷貶值，我地做財富增值時，所儲的會是優質資產，例如物業、優質股、車位等，而非儲現金。
而我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
因此，我地係做投資選項時，會睇翻你現時人生階段。假設你係年青至中年人士，應先做好增值，我一般建議用「平穏增長股」 + 「潛力股」作組合，去創造一個增值平台。
但如果你希望開頭穏陣D，或者你係年紀較大，你應該用「平穏增長股」 + 「收息股」的組合。你可以睇翻你自已年紀和風險承受能力，去做決定。
除了用現有170萬資金，我建議你都以利用每月5成儲蓄做月供股票。其餘一半就先儲起，用一邊月供一邊儲蓄的策略。
以下是一些優質股，你可以因應翻自已年紀和投資取態，去進行配置。
例如在收息股的部分，有考慮︰港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）或收息基金(3110)都可以。
現時大市只是合理區，你現有170萬資金可以先投入30-50萬，用"分注"形式，慢慢買貨。餘下資金和每月所儲下的資金，就等你學到更多投資知識，或者大市出現一定程度的下跌，才加大入市力度，然後長線投資。
除了透過以上方法，去累積資產外。同時間，你要去努力增進投資知識，來提升你財富增值效果。你要多讀投資相關書本、年報，新聞和報讀相關課程。
書本上，你可以睇我寫架《80後千萬富翁》、《財務自由行》和《股票勝經》，都適合初學者。
另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。
Q24646：
多謝回覆，我想每個月分散入5-6隻股票，請問究竟用碎股睇岩價入好？還是set月供好呢？
碎股考慮緊用 牛牛或中銀碎股
月供用中銀或致富
龔成老師︰
如果你係初學者，我比較建議你月供。因為月供就係透過"定期定額"供款，去平衡你買貴貨風險。
但你有一定投資經驗，對估值有信心，你可以自行因應股價平貴，去入市。
另外，你買碎股，每次交易的收費，有機會係同買一手一樣，你要計清楚。
Q24647：
龔sir 你好。講你都唔信，$50萬目標已完成1/5
想請問一下 阿媽下年有一份儲蓄保險到期 佢話嗰度到時會套返200,000出嚟 然後全部俾晒我 我想幫佢整一個平穩收息組合請問可以點部署？
龔成老師︰
做得不錯，這都是你認真努力的成果。如果經濟轉好，令大市回升，相信你達成目標機會唔細。
至於你媽媽，我建議先睇翻佢人生階段。如果是退休人士，由於已經零收入，透過收息組合去創造現金流，係合適。
若佢只係中年，依然有工作和收入，我建議用平穏增長股，去幫佢累積大筆退休資金，咁會較好。
以下都是一些合適選擇，你可以參考下。現價都合理，你可以先用一半資金，去分注咁幫佢慢慢入。餘下一半，我地就等大跌市，才出手掃平貨。
同時，可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）。收息基金(3110)，都可以。
另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）、富豪產業（1881）等（記住，股價略波動，不能太過大注）。
如果除左收息股外，佢想少少增長，就可以再加入一些平穩增長股。
Q24648：
請問點睇世茂集團？
龔成老師︰
世茂集團（0813）質素中等，但現時都有風險。
佢係中國優質房地產項目的大型發展商，於中國優越地段發展高端房地產。業務包括發展住宅物業、零售物業、辦公樓及酒店。
項目位於上海、北京、哈爾濱、南京、福州及中國其他快速發展城市等，過往生意與盈利都有增長，發展不差。
不過負債較高，令企業風險存在。
現時內地樓市和經濟都有放緩情況，加上政策風險，都令其發展不確定性高左。
現價合理，長線投資價值是有，但風險唔細，就算你想投資，都只係好小注好了。
Q24649：
9626 我持有100/$569
40/$493
龔成老師︰
首先你要明白一個概念，我地持有一隻股票與否，關鍵位是企業質素、前景，不要被買入價影響。因為我地買股票就是買企業。
如果企業質素轉差，就要賣出。如果企業某些核心優勢減少左，就有機會減持，因此，我地要分析企業的核心因素，一些長期的賺錢能力，有無改變。
嗶哩嗶哩（9626）不是無質素，你現貨可持有。但此股不確定性較高，若佔你組合比重較多，可以考慮沽少少，換至其他股票，去平衡風險。
Q24650：
成sir, 非常明白睇書及知識既重要性，香港地串金尺土，想問下你點解咁捨得用咁多地方去放書櫃同書？
會唔會係放出嚟成日望到會有種特別既力量？
因為現時也有電子書，想請問你係未都鐘意睇實體書多啲？
龔成老師︰
我自己比較鐘意睇實體書，感覺比睇電子書好。又可以將當中重點highlight，方便自己查閱。
書本承載的是知識，知識創造的是你未來。所以留個位放書櫃，係絕對值得。